Juicy叮｜$30出售手機一原因惹買家負評 賣家一句回應再捱批

不少人亦會在網上拍賣平台放售自己已不再使用的物品。有賣家近日在網上發文指，以30元出售一部手機，但因為一個原因被買家留下負評，隨後的回應亦再被其他網民炮轟。

該名賣家近日在「Carousell 乞衣+X客關注組」發文，指「今次可能真係我做得唔夠好」，並提到日前在網上平台以30元的價格放售一部手機，在完成交收後卻收到買家的負評。該名賣家指，「其實一部賣$30包平郵的電話可以幾高汁？這部電話功能正常可以打出打入。電池有發脹但未壞」，並指買家若擔心電池問題「可以淘返粒新電」，或到相關店舖「睇吓有冇機會換到電都得」。賣家續指，「我就係天真地以為呢個價錢可以反映質素以為買家會明白。結果得到了負評。實在難過。」

請點擊組圖瀏覽：

買家在取得手機後向其傳訊息，提到「電已脹，keyboard有啲問題」。「Carousell 乞衣+X客關注組」fb

買家認為，「其實$30唔係錢問題，只是道德問題。」「Carousell 乞衣+X客關注組」fb

賣家則回覆指，「其價錢反映質素。」「Carousell 乞衣+X客關注組」fb

有網民直言，「你唔止做得唔夠好，直頭係靠害呀」。fb截圖

有人指，「有問題要講清楚，買家有權決定買唔買」。fb截圖

有人則指，「唔係錢問題，係使用安全問題」。fb截圖

有人認為，「其實咁嘅電話都賣，係心地唔好呀」。fb截圖

從其上傳的圖片可見，買家在取得手機後向其傳訊息，提到「電已脹，keyboard有啲問題」。賣家則回覆指，「電可以換呀」，並指這些平價手機即使是購買新機，「啲keyboard都係咁」，又指「電未壞的手機亦無壞，唔好介意我咁講，其實$30部手機你想要好高質素？」

該名買家在留下負評後表示，「其實$30唔係錢問題，只是道德問題。如果事前說明電已脹和鍵盤有少少問題，大家都可接受，不應是交易後這樣說呢！」賣家則回覆指，「我賣前已測試手機可以打出打入正常使用，是一部可運行的手機。一部用了幾年的平價手機，電池有些微發脹實屬常見，重點是電池仍可正常運作。其價錢反映質素。買家收到後卻說我騙他，實在摸不著頭腦。」買家則可回覆指，在收到手機後才得知電池發脹，反問「知否電脹是危險，會爆炸？」並指「公道自在人心」。

相關新聞：

Juicy叮｜賣家$20賣音樂書遭問是否包郵 再被買家3個字回覆焫著：https://bit.ly/3FeI8Lg
Juicy叮｜拍賣網買家倡奇怪物品交換$80潤手霜 賣家一句寸爆後遭封鎖：https://bit.ly/3FCHby5

相關帖文隨即引起熱議，不少人直斥賣家的行為，直言「電池脹咗就丟鬼咗佢啦，你未聽過電池過熱發脹會爆炸？」、「真係喪心病狂，賣電話定係賣炸藥呀？」、「你部電話壞到咁，30蚊都唔值啦，仲好意思講想幾高質」、「其實咁嘅電話都賣，係心地唔好呀」、「其實電脹同Keyboard又真係要講嘅。唔係錢問題，係使用安全問題」、「取暖失敗例子」、「某程度我覺得就算係free，電池脹都係要講，因為係安全問題，同幾錢無關」、「你唔止做得唔夠好，直頭係靠害呀，因為涉及安全問題，如果買家因為個發漲電池有啲咩三長褲短你過唔過意得去？」、「有問題要講清楚，買家有權決定買唔買，你以為價錢反映質素，唔洗講，簡直不知所謂，抵你畀人負評，西賣家」等。

帖文來源：「Carousell 乞衣+X客關注組」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ