張致恒老婆雯雯又暗示婚變 直認性格問題「勉強唔到」預告明年有新生活
2022-12-07 12:30 
張致恒（Steven）2019年突然宣佈與女粉絲雯雯訂婚，而且已誕下大仔，同年9月兩人拉埋天窗，不過張致恒隨即被爆「一腳踏五船」兼借錢不還，事業瞬間直插谷底。雖然雯雯先後已為張致恒誕下三個囝囝，但兩人曾多次鬧婚變，今年1月雯雯更曾在IG單方面宣佈離婚，不過後來張致恒箍煲成功，相隔不夠一個月，雯雯宣佈陀第三胎。
【點擊睇雯雯與張致恒的感情風波】：
今早（7日）雯雯在IG限時動態發文暗示婚變，直認已經到極限，更坦言兩人「溝通唔到」：「可以當我精神有問題，可以當我做新聞，可以當我思覺失調，但，我可以好肯定咁講，已經到咗我極限，全部嘢已經到咗我底線。唔需要估，唔係玩女人，唔係又有第二個，好簡單，性格，溝通唔到，容忍唔到。我自己係單親成長，以為努力堅持死撐，我嘅小朋友就可以完整成長，但原來真係勉強唔到，每日對住原來可以咁攰。」直認自己一直死撐，與張致恒「勉強唔到」。
雯雯表示明年會做返自己，有好開始：「而家，安排一切，2023年一定會可以做返自己，有好嘅開始。大家最喜歡話我抵死、揀錯人；唔試過，又點知結果。」雯雯今早亦有貼出與三個囝囝的合照，留言說：「這樣已經足夠，輕鬆哂。」有網民留言問：「所以真係離婚？」不過雯雯並無回應，而且留言相隔不夠一小時就消失不見。
張致恒與雯雯結婚三年事非不斷，去年3月張致恒被指向𡃁模Naomi欠債不還，但有錢搬大屋、請工人、養狗及買新電器。去年兩人大仔考幼稚園，Steven在IG大鬧遭幼稚園校長歧視，雯雯在網上列出18點反擊：「我個仔爸爸唔係殺人犯，佢只係犯咗10個有9個男人會犯嘅錯。」
今年9月兩人結婚三周年，雯雯貼出十年多年前與偶像張致恒的合照，留言說：「三年婚姻，有開心、有傷心、有失望，亦有想過放棄。但係見到一個大細路，為咗家庭願意作出改變，嘗試一啲從來未試過嘅生活。」又指張致恒為家庭去洗碗、洗廁所、搬搬抬抬，每日返到屋企依然照顧小朋友。不過至10月，雯雯被發現突然在IG上取消追蹤老公兼删除合照，再被質疑是婚變，不過雯雯就解釋說想專注返3個仔和3隻狗狗。
【其他閱讀】：
車婉婉5歲仔混血樣配電眼冧樣甜笑 網民讚可愛新相撞樣「況復生」
57歲劉美君驚爆患「鬼剃頭」頭頂禿一大片 母親早前證患腦瘤壓力爆煲
盤點4位過江艷星近況！《強姦2》女星冇工開患情緒病 亞洲第一美胸患乳癌
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應