Juicy叮｜去旅行擬安排老爺奶奶坐經濟艙 港女夫婦一原因坐商務艙惹議

隨著政府放寬入境檢疫措施，不少港人已急不及待到海外旅行。有人妻在網上發文指，打算聖誕節一家人去旅行，但因為一個原因而計劃與丈夫一同坐商務艙，並安排老爺奶奶坐經濟艙，隨即引起熱議。

該名人妻在香港討論區以「帶BB去旅行想坐商務艙都唔得咩」為題發文，提到打算在聖誕節與家人一同去旅行，並會帶同老爺奶奶同行，但指因為嬰兒還小，而且「第一次搭飛機我都好擔心佢」，所以打算帶同嬰兒坐商務艙，「坐得舒服啲同埋就算BB喊，都唔怕吵到咁多人」。她又指，「怕我一個人搞唔掂BB，所以就買咗兩張畀我同老公坐商務艙，至於老爺奶奶就買咗經濟艙畀佢哋」。誰料，奶奶在得知後感到不滿，並「畀說話我聽」，「話你哋自己坐得咁好就得啦，都唔洗理佢哋老人家啦。」人妻直言，「商務艙你估平咩，有錢我都想買晒全家一齊坐商務艙，但我都係為咗BB所以先買商務。佢完全唔明我點解要買商務艙，覺得我用好多錢，真係請佢去旅行仲要畀咁多說話我聽。」

相關帖文隨即引起熱議，有人認為相關做法沒有問題，「預先多啲溝通就得」、「家家有本難唸的經」、「你處事方法真係無問題」等。不過，有人則質疑人妻的做法，並直言「好藉口，用bb過橋坐商務客艙，妳贏晒，直頭同兩個老嘢講，而家我出晒錢帶埋你兩個老嘢去仲咁多聲氣」、「當兩個老嘢係工人，帶去幫手湊仔咋」、「我就不會坐business， 父母坐economy，不夠錢就全部坐 economy」、「兩個大人坐商務叫為咗個B。笑咗」等。另有人則認為在疫情下不應帶同嬰兒外遊，「疫情下，加上BB咁細，有腦嘅係唔會去搭飛機旅行」、「帶BB去搭飛機去旅行? 白啲講句，自私」等。

帖文來源：香港討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ