岑麗香甜爆3歲半大仔好識保護佢 兩個囝囝各重30幾磅湊仔如做運動
2022-11-28 20:15 
岑麗香今日出席於九龍塘舉行的聖誕樹亮燈儀式，香香以毛毛tube top裝示人，大騷香肩和纖腰。因疫情久未有出席活動，香香喜言與大家見面很開心，夏天期間已跟家人外遊，所以聖誕留港歡度。香香說：「大仔好乖，要買份正嘅禮物送畀佢。我好驚曱甴會大叫，佢話唔使驚，下次會幫我，好sweet好冧！最近又見到細曱甴驚叫，佢走入嚟拖住我去安全地方。3歲半人仔咁識諗，好感動，所以聖誕會買架佢鍾意嘅車。（細仔會呷醋嗎？）已慣了買畀大仔，亦要買份一樣畀細仔。（老公強強呷醋嗎？）唔會。我唔鍾意小強，只鍾意大強。」談到被讚童顏兼保持好身材，她表示在家護膚，加上抱着兩個囝囝各重30多磅的「啞鈴」，每刻在做運動。另外，問有否戲癮？她說會，期待好劇本。
談到陳凱琳懷第三胎，香香表示是福氣，問她會否追多個？她說：「冇諗過，順其自然，依家都好充實。（想不想追個女？）順其自然，迫不到，最緊要知足，自得其樂。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應