Juicy叮｜食74元叉鵝飯埋單200元免找 網民激讚天水圍無名英雄

網上近日流傳一樁暖人心頭好人好事，行善的「靚仔哥哥」獲網民激讚，熱捧為無名英雄。

位於天水圍的「天天燒鵝皇」燒臘店日前在其社交網站facebook專頁發帖俾Like，指「啱啱有位哥哥食咗74蚊飯，擺底咗兩舊水唔洗找，我問佢咩料，佢話聽到坐佢隔離班學生哥好似唔夠錢埋單，幫佢哋畀埋」。

相隔不足半小時，「天天燒鵝皇」在原帖回應，指「啱啱學生哥自己埋咗單，佢話佢地有錢喺身，下次呢位靚仔哥哥再過嚟食飯我找返錢畀你，兼請你飲啤酒」。

現場情況及網民回應請點擊組圖瀏覽：

「天天燒鵝皇」發文表揚「靚仔哥哥」。網上截圖

位於天水圍的「天天燒鵝皇」。網圖

「天天燒鵝皇」原帖回應指「啱啱學生哥自己埋咗單」。網上截圖

網民指「不求回報嘅心態值得學習！好多時能力範圍內幫到咪幫下人囉！」。網上截圖

網民認為「現在社會，很少有這些有品德的人」。網上截圖

「靚仔哥哥」的善舉被網民形容為「獅子山精神，發放正能量」。網上截圖

「靚仔哥哥」的暖心舉動獲網民激賞，奉為「無名英雄」，並蜂擁而出大讚「好人好事」、「人間有愛」、「獅子山精神，發放正能量」、「果然夠雷氣、大佬風範」、「型爆！」、「係愛呀」、「好滾動」、「說好香港故事！」、「大度有福報」，並指「呢個社會的確係需要多D種仁兄」、「現今這個社會好人真是難搵，像這位仁兄這麼好心，應該已經絕種， 祝福你好心有好報，身體健康」，也「希望同學仔會延續呢份助人既精神和愛心」。

另有網民「欣賞學生哥唔貪心」，指「靚仔哥哥有善心，學生哥仔又唔貪心，兩邊都超級讚」。

帖文來源：天天燒鵝皇
 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ