樊亦敏鄭伊健同框合照勾起滿滿回憶 網民驚嘆兩個人個樣都冇乜點變
2022-11-24 12:30 
鄭伊健一連九場《HERE & NOW 鄭伊健演唱會2022》正在紅館舉行，連日來有不少藝人去捧場，樊亦敏亦是座上客之一，完騷後她將與伊健合照上載到社交平台，原來今次竟是兩人正式合照：「從上個世紀第一代陽光檸檬茶廣告，到現在我和鄭伊健終於有一張合照，很正的感覺，很正的一晚，很感動和非常精彩的演唱會！」
【點擊重溫鄭伊健樊亦敏檸檬茶廣告相】
樊亦敏未參選港姐之前，曾經擔住過模特兒，拍過不少視電視廣告，當中包括陽光檸檬茶廣告，雖然樊亦敏在1989年的版本陽光妹，但原來1987年鄭伊健版本已經有份拍，她曾經在訪問上表示第一代「陽光妹」主角是Yvonne Yuen，當時見到暗戀對象鄭伊健在圖書館跟其他女仔打情罵俏而呷醋，而樊亦敏正正是與鄭伊健打情罵俏的女仔：「當年我見到鄭伊健嘅時候，我都覺得呢個男仔幾靚仔。十幾歲拍完個廣告已經好開心，點知隔咗一排廣告商搵我拍第二代廣告做女主角，就成為咗經典，亦好感恩記錄我青春美麗一刻。」
有不少網民看完兩人的合照後，留言表示：「啲回憶返晒嚟」、「真係好懷念那個年代」、「最厲害係妳樣子冇乜點變，依然咁靚！」等等，不過個樣冇變的，當然還有鄭伊健，依然係當年的樣子。
另一方面，鄭伊健在昨晚的Encore環節，全場觀眾起哄兼起身一齊跳唱，伊健感謝大家熱情反應，揚言令他極之開心：「我另外想多謝ERROR，點解要多謝佢哋？」話未說完，全場尖叫，觀眾席上的肥仔和阿Dee立即舉手向台上伊健膜拜，193向他做大心心和小心心動作，伊健繼說：「我上一次演唱會，返去減壓就係睇你哋嘅ERROR遊，我知道今次得兩集，所以我未睇住，多謝，ThankYou，多謝你哋畀我哋歡樂。仲有，我知你哋開演唱會，我知㗎，加油啦！」三子起立向伊健鞠躬，全場歡呼。伊健還笑言學習ERROR「自肥精神」，挑選心水的滄海遺珠表演，娛人娛己。
【其他閱讀】
劉心悠花2,250萬「一炮過」買單幢村屋 逾2千呎有戶外花園屋內環境全曝光
世界盃2022丨盤點最靚體育女主持！準人妻張嘉殷晒白滑長腿 麥麗怡纖腰吸睛
向太年輕美貌堪稱女神 患腦下垂腫瘤腹部一周內暴脹似懷孕9個月瘋狂發福：不要人比人
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應