世界盃2022｜專欄：十字軍團實而不華
2022-11-24 13:30 
今屆世界盃少咗傳統歐洲勁旅意大利，提到意大利嘅話，相信大家印象最深嘅一幕，應該就係佢哋俾傳統魚腩北馬其頓喺世界盃附加賽一腳踢出局。歸根究柢，除咗因為表現突然失準而連續失分之外，同組瑞士以穩定嘅表現，喺最後關頭反超意大利，以小組首名直接出綫先係主要原因。
呢隊瑞士隊貫徹現代足球哲學：執好防綫，穩中求勝。龍門恩尼森馬今季的表現可人，季初對陣拜仁慕尼黑更加做出單場撲救十九次嘅紀錄；中堅文路爾艾簡治自今季加盟曼城後，似乎多得哥迪奧拿打通佢任督二脈，在防守明顯有進步，無再輕出失位；中場亦有今季表現成熟嘅格列沙加，除咗理順中場節奏之外，並多埋後上助攻，兼有全能型拍檔迪積比爾蘇維幫佢開路。而在攻擊綫方面，就當然唔少得大家都好熟悉嘅梳頓沙基利同埋衝擊力強嘅比列安保路。
瑞士今屆同組嘅其中兩隊係上屆俄羅斯世界盃嘅老對手，實力接近嘅塞爾維亞同埋大熱門巴西，所以首仗面對同組實力最弱嘅喀麥隆，戰意毋庸懷疑必定要先取三分。球樂
立即下載 | 全新《星島頭條》APP : https://bit.ly/3yLrgYZ
關鍵字
最新回應