正義迴廊專訪｜麥沛東博盡真食「咖啡飯」 爆紅金句獲旁聽者指導：冇睇價錢就接拍

由翁子光監製、新晉導演何爵天執導，楊偉倫、麥沛東主演的電影《正義迴廊》叫好叫座，票房已經衝破2500萬元大關，翁子光終於可以成功「回本」！電影改編自2013年轟動一時的大角咀弒雙親案，上畫初期不被看好，到近期愈戰愈勇，近日更被網民稱為「不能錯過的港產片」。飾演張顯宗（楊偉倫）友人唐文奇的麥沛東，早前憑電影獲第46屆香港國際電影節「新秀電影競賽(華語) 最佳男演員 」，劇中一句對白「屈我喇！ 屈我喇！我冇問題㗎我！」更hit爆網絡，大量meme圖湧現社交平台，麥沛東日前接受《星島頭條》專訪，解構《正》片中鮮為人知的事。

【相關閱讀】：正義迴廊｜陪審團黃華和曾演《嚦咕嚦咕》劉華雀友 演足30年綠葉「冇聲出」：坐埋一邊等

【點擊睇《正義迴廊》精彩劇照】：

 

麥東的演出受到讚賞。

麥沛東在一個月內飆升40磅至200磅，但他仍不滿足：「覺得要再肥點、大約230磅就差不多。」

麥沛東話自己都有留意這宗案件，當知自己有份拍攝，當然覺得開心，但同時又擔心自己未必拿捏得到！

全部都係好戲之人！

麥沛東覺得唐文奇係幾咁需要身邊嘅人照顧，係超級要人關注佢！

這場法庭入面湊巧有份幫手的觀眾當年去過聽審，所以對他幫助極大！

神還原度極高！

麥沛東笑說：「其實如果大家留意，眉毛係有剃咗，好細微，係剃咗一條痕，睇落好似疤痕，頭髮又笠，成面油，係幾幫到觀眾進入去個角色。」

劇中一句對白「屈我喇！ 屈我喇！我冇問題架我！」hit爆網絡世界，大量meme圖湧現社交平台。

今次多得阿卵推薦，麥沛東才有份演出。

阿卵陪埋麥沛東去試戲，認真唔話得。

蜘蛛網呢場戲係幾大爭議。

票房成績愈戰愈勇，已經衝破咗2500萬！

三料自殺呢場戲係好難做。

有觀眾覺得呢段姊弟關係似不倫戀。

呢一幕真係好經典！

麥沛東反而覺得其實某程度上係極度溺愛。

麥沛東覺得真實世界有不少這類人，只不過係冇咁極端。

「咖啡飯」那場，麥沛東坦言自己真係有食。

麥沛東日前憑電影獲第46屆香港國際電影節「新秀電影競賽(華語) －最佳男演員 」。

麥沛東在2014年7月加入中英劇團，到2019年轉戰拍電影。

參與過不少舞台劇之演出。

下月小登科。

明年2月有自資的舞台劇公演。

東亦坦言曾經因為經濟問題而不敢結婚。

近期麥沛東熱爆網絡！攝影：何健勇

麥沛東今次的電影博到盡，但並非為獎項，反而希望電影可以得到更加多人認同。攝影：何健勇

麥沛東覺得這套電影最特別的地方，就是導演想邀請大家成為其中一個陪審團，究竟點樣睇呢件事。攝影：何健勇

究竟唐文奇呢個人係咪無辜？麥沛東話要視乎你用乜嘢心態去睇。攝影：何健勇

麥東試過一個月得2、3000蚊，甚至試過成個月都沒有開過工。攝影：何健勇

曾演《媽媽的神奇小子》

雖然麥沛東在影圈知名度不高，但其實他本身資歷深厚，在2014年7月加入中英劇團，到2019年1月結束全職演員的工作，曾經演出過電影《媽媽的神奇小子》，對於對白hit爆網絡世界，麥沛東笑言，現實生活中有好多人見到他都會說：「好多人都鍾意『屈我喇！屈我喇！ 我冇問題㗎』 ，呢樣嘢係喺法庭入面拍，當年都份去過聽審嘅人，今次都有份嚟幫手，真係見證住佢係有咁講過，所以我都有問佢，如果咁做似唔似，要唔要多啲？跟住係慢慢再調教，直到佢哋覺得邊個似，再加加埋埋佢哋之前見嘅嘢，所以令個角色變成依家咁嘅樣。」

令一難忘的，又豈止得這一幕，麥沛東在警局鯨吞「咖啡飯」以及被女朋友欺騙所有錢再三料自殺的那場戲，同樣令人一看難忘。麥東坦言，拍這兩場戲確實相當辛苦：「三料自殺嗰場戲，本來仲有一段對白，不過而家電影刪咗，對我嚟講嗰場戲係比較難，究竟一個人去到乜嘢程度，令自己要必死？但係佢死之前，個腦又諗番好多以前嘅嘢，到臨死嗰一刻，打畀家姐道別，只係得4句對白去交代，嗰度都用咗一啲時間去拍，情緒唔可以多，又唔可以太少，所以處理角色最難嗰個點係喺呢度。」

係有好多討論空間。

【相關閱讀】：正義迴廊丨莊韻澄擺脫性感騷演技獲觀眾力讚 曾遇娛圈渣男受情傷想過輕生

 

導演勸「唔好真食」咖啡飯

而咖啡飯那場，麥沛東坦言自己真係有食：「所有嘢你見到嘅，都真係食，然後係無限量供應，係擺晒喺度，佢哋話其實冇所謂，俾啲意識就得，但係我又唔係好想，我覺得要真係食先似，我拍咗3、4個take，每次拎上手就食，最後食到導演都同我講，你真係唔好真食喇，我話唔得，最多之後真係唔飲咖啡啫！」

在戲中，唐文奇身邊有兩個不可分割的人，首選一定是家姐：「喺謝票嗰陣都有觀眾話好似不倫戀，我覺得因為係有少少超出咗姊弟嘅關係，其實某程度上係極度溺愛，大家有睇嘅話，我瞓咗喺醫院嗰場，講嗰兩句台詞，已經好睇得出唐文奇呢個角色，係幾咁需要身邊嘅人照顧，而我覺得呢樣嘢係超級要人關注佢，同張顯宗係好似，佢都係需要人極度關注，只不過用嘅方法係唔一樣。」他又說：「某程度上唐文奇都利用呢一點，去情緒勒索，真實當中都有唔少呢啲人，只不過係冇咁極端，推到去殺手，但其實好多時男、女嘅朋友關係都係咁，同屋企人嘅關係都會咁，家人就係你最親，但係往往就係老馮，好多時你同最親嘅人係講好少嘢，因為有時係習慣咗，點樣都係對我好。」

幸好麥東的女友「唔怕捱」，願意全力支持男友追夢。攝影：何健勇

唔怕捱女友成最強後盾

麥沛東今次在電影博到盡，雖然外間有望他能夠在電影頒獎禮上稱帝，但對他而言目前最重要並非獎項，反而希望電影可以得到更多人認同，票房成績好，自然有望再開戲：「我冇諗過拎獎呢樣嘢，嗰陣我抱住一個心態，有一套咁好嘅劇，一個咁好嘅導演，你哋又未睇過我演出，但係又咁信我，所以我係冇睇過價錢就接，唔好講錢喇！」為理想而奮鬥，當然是幸福不過的事，但現實歸現實，生活總需要錢，做演員搵錢難，做舞台劇演員搵錢更加難，麥東亦坦言曾經因為經濟問題而不敢結婚：「我係想做到能夠照顧到另一半，而嗰個照顧唔係心理，而係喺經濟上、生活上令到佢唔好咁擔憂，呢個係我自己嘅諗法。劇場係比較小眾，而大家見到做咗一個演出，唔係賺好多，可能只係賺到一個月嘅糧，係一定唔夠兩個人用，所以喺劇團嘅時候，係冇諗過要結婚，長遠睇經濟上亦都唔係穩定。」

經濟最差的時候，麥東試過一個月得2、3000蚊：「因為疫情又少咗工作，甚至試過成個月都冇開過工。」幸好麥東的女友「唔怕捱」，願意全力支持男友追夢：「我女朋友係喺大學度做，嗰陣時佢嘅收入係可觀同穩定過我，佢就話唔緊要，同我講話如果我唔得，咪佢頂住先囉，呢樣嘢係好感動，仲令到我有動力，到我可以嘅時候，你就休息喇。」

 

【其他閱讀】：

中年好聲音｜鄺文珣富商老公入圍  52歲眼大有型俊男曾讀TVB藝訓班追夢

葉翠翠晒9千萬3千呎豪宅 飯廳設巨型聖誕樹擁私人花園大到可放波波池加泳池

綠葉王以資深排舞師現身台慶 曾為張國榮伴舞靠《天龍八部》段延慶北上搵銀

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ