世界盃2022｜專欄：荷蘭厄軍有望攜手出綫

大賽決賽周的首輪分組賽是睇辦的好時機，整個決賽周的投注策略亦以這輪的各隊表現為基礎，所以現階段應「小注怡情」但「用心研究」！執筆時筆者已看了兩場A組賽事，卡塔爾上半場輸的不止是實力，兩分鐘差點失球搞到球員方寸大亂，根本難以作準；但下半場厄瓜多爾在勒住的情況下，卡塔爾根本完全谷唔起，看來只能望荷蘭可以提早出綫，卡塔爾尾場對荷蘭或有機會合情合法地攞個尾彩！厄瓜多爾全場未受壓力，後防能力未明，但進攻則有點紋路。反觀塞內加爾雖贏形勢輸波，但塞隊門將是致命弱點，而進攻方面亦無甚章法，所以筆者睇厄瓜多爾出綫機會高一綫！

至於荷蘭質素亦有相當，特別是後防綫及門將都相當硬淨，剛戰雖贏得唔好睇，但上半場踢塞內加爾節奏仍製造出兩個黃金機會出來，下半場拖慢步速屬針對性部署，到賽事尾段才放具創造性前綫球員落場屬精明之舉。不過荷蘭的成績好視乎法蘭基迪莊的表現，此子剛戰演出實在太飄忽！

今晚又波又馬，可惜最好戲碼的德國對日本放在九點嗰場，比賽時筆者要做直播賽馬的節目。但自己一向好撐日本隊，所以今晚會一邊講馬一邊睇波，而且讓球盤會小試日本隊，希望佢哋搶到寶貴嘅一分！黃以文

立即下載 | 全新《星島頭條》APP : https://bit.ly/3yLrgYZ