Juicy叮｜港男籲店員工勿跟客睇衫 大批網民認同：「一sell即走」

逛街購物時，當進入某些店鋪後，總會有店員跟隨在旁。有自稱為「毒男」的港男在網上發文直言「好心唔好再逼啲職員跟住個客睇衫啦」，獲得大批網民認同。

該名港男在連登討論區以「好心唔好再逼啲職員跟住個客睇衫啦」為題發文，提到自己是一名「毒男」，在走進一間服裝店後，「有個女仔職員跟住望住我睇衫，嚇到耳仔紅晒，扮拎起件衫睇嚇到隻手都震埋，差啲掛唔返上去」，並直言「今世都唔會再入u 記以外嘅地邊方買衫！」

請點擊組圖瀏覽：

港男認為，生意好的先決條件是客人「睇衫睇得有幾自在」。資料圖片

在樓主發文後約5小時，該則帖文已獲得逾2700個讚好。網頁截圖

不少人認同樓主的看法。網頁截圖

有人認為，「整到好似超級市場咁最好」。資料圖片

有人指，「事實係有冇chur客鋪頭條數最少差三成」。網頁截圖

他認為，對於一般平民服裝店而言，生意好的先決條件並非服裝有多漂亮 ，而是客人「睇衫睇得有幾自在」，店鋪則會多人光顧，並會出現羊群效應，有更多人進入店鋪，但指「一年幾千幾萬」的高級服裝店則可以例外。他舉例指，日本部分服裝品牌的分店樓高數層，仍未擔心顧客未能找到自己想要的服裝，「你香港畀你大極咪千幾呎，你學咩扮膽心人地搵唔到自己想要嘅嘢。」他續指，知道相關做法是源於公司規則，認為公司應思考相關做法，「你係想搵錢，定係想扮高檔，嚇走你嘅目標客戶群呢，你件衫賣得2~3舊水，你又想你啲客有幾高級呢？」

在樓主發文後約5小時，該則帖文已獲得逾2700個讚好。不少人認同樓主的看法，並指「係，通常遇到呢啲即走」、「真，唔識做生意嘅」、「行過嚟煩我我會即走，我睇啱會叫你㗎啦」、「成日畀人問，想搵啲咩款，我X知點分咩，路過行入嚟望兩眼咋」、「又講得啱，整到好似超級市場咁最好，唔買都會入去睇下，一定人流好高」、「真，一sell我即走」、「真，如果入去揀衫畀職員跟，我都會即走，就算件衫我幾有興趣都係咁話」等。

有人則指，「講聲自己睇啱再問佢，多數都唔會再煩你」，但亦有人回覆指，「講咗自己睇都仲係追住」、「一樣會照煩，佢只會望住你，等你一攞起件衫佢就會出聲，但我只會更快放低，因為唔想佢出聲」等。

另有人則認為，「唔跟住啲客咪好似u記咁比人亂摷，打仗咁，收工又要用幾多時間執返整齊」、「怕你偷嘢咋」、「啲有錢佬好享受呢種感覺，好似有個跟班做打雜咁樣，同埋我需要你單生意嘅感覺」等。

亦有任職店員的網民指，「作為一隻SALE狗，只能講所有嘢都係老闆同X客逼出嚟」、「事實係有冇chur客鋪頭條數最少差三成，真係摺到咁就唔好行街啦，普通social都咁驚」等。

帖文來源：連登討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ