陳山聰罕談「失豪門女婿」後有人落井下石 形容陳敏之曾「當見我唔到」
2022-11-19 18:30 
陳山聰在1992年因參加TVB以模仿四大天王為主題的歌唱比賽，以一曲《長夜多浪漫》而被評判之一的劉德華賞識，一年後獲劉德華邀請成為旗下新公司歌手，也是該公司唯一推出的新人。明年是陳山聰入行30年，今年更踏入事業收成期，先後播出共6套主演劇集，包括兩套台慶劇《美麗戰場》及《超能使者》，有指今年視帝之戰是他和林敏驄的「驄聰之爭」。
【點擊睇陳山聰生活轉變】：
不過成功背後，亦都有失意的時候，陳山聰在2013年與賭王千金何超雲分手後，事業一度陷入谷底，日前陳山聰在商台節目《星光背後》上，憶述當年選擇「邊度跌低，邊度爬返起」時，不少朋友勸他轉行，但他堅持面對自己犯過的錯，相信肯努力肯捱，會有人看到！他透露，當時背後有不少落井下石的聲音，但不會介意，因為明白自己做過一些事才會有人講，「甚至乎之前跟敏之親如兄妹，她都跟我講過，那時在公司遇見我會當見我唔到，我當然個心『嗱』住，但今日她仍然可以在我身邊，伍姑娘也是，這更重要。」
直到三年前，陳山聰跟交往五年的圈外女友Apple結婚，翌年太太更為他誕下兒子陳霆軒(Jaco)，他曾經在結婚周年公開表示「感恩遇上你成為我的美夢」。節目中，陳山聰亦分享夫妻跨過七年之癢的保鮮方法，他說：「我們每晚睡前都會傾偈；一些甜蜜的事堅持要做，譬如太太鍾意食嘢，我們經常四處找美食；二人世界旅行一定要，結婚周年及生日一定要慶祝。」重新振作期間，陳山聰指太太冷靜性格正好彌補他心急個性，常給予他鼓勵，「重返呢行已經認識太太，佢一直在扶持我，成日話：『你之前嘅事，關我乜嘢事？』另外，佢仲成日講笑話『我買重你呀！你係藍籌股呀！』到我事業有返啲起色，她就會話：『你唔好跌呀！我決定長線持有！』佢係我太太之餘，亦係我好朋友，經常為我冷靜分析，譬如到2015或2016嗰啲關口，她會話：『老公你唔使擔心，任何事上天自會有安排。』喺佢身上我學到很多。」
陳山聰不諱言從前對「快樂」有誤解，現在才明白，簡單才是最快樂，「以前我以為慾望、物質、名利對我嚟講係最重要，但而家明白，內心快樂先係最實在，除咗擁有家庭、阿仔，作為演員，由負評去到正評已經好難，有人支持係更加難，所以你問我想唔想拎視帝，已經唔重要，最重要是太太同阿仔，以前我冇家庭觀念，而家家庭讓我明白，人生最快樂就係呢這階段。」
【其他閱讀】:
《愛回家》KC抽水扮袁偉豪與記者交惡 爆seed鬧 ：欠咗你班傳媒呀？
前J2女神梁凱晴上圍升Cup有原因！ 自證貨真假實冇窿胸：別再問啦
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應