Juicy叮｜學生麥記當眾攬錫遭貼相公審 網民護航：唔好用清朝標準

有網友今日（19日）早上在屯門一間麥當勞記見到一對中學生當眾錫錫親熱，拍照做證並上載社交網站，以家長式口脗指「可否顧及別人的感受，穿著校服嚇親小朋友」。結果惹來網民負評，有人直指「咩年代呀！仲有人會因為學生kiss而影相上網搞批判」、「年代唔同啦，唔好用清朝嘅標準」。不少網民反而投下艷羡目光，嘴角含春地指「So sweet」、「好有初戀嘅感覺⋯⋯」、「見到青春呀」。

現場情況及網民回應請點擊組圖瀏覽：

學生在麥記當眾親熱。網圖

網友指「學生哥冇錢嘛，就地解決所需」。網上截圖

有網民反問「穿校服就不能愛嗎？樓主未後生過嗎？未試過著校服拍拖直頭係人生100大遺憾之首」。網上截圖

網民唏噓地指「呢個童年回憶我都過左廿年，以後都冇呢個機會」。網上截圖

網友搞笑地指「食完嘢冇紙巾」」。網上截圖

相片貼上3小時左右即吸引逾500網友熱議，樓主雖有回應力指「著住校服好影響校風囉，邊間學校，好想知」，但大部分網友均選擇向青春致敬。

網民嚮往地表示「年輕真好」、「我見到青春呀」、「青春啊」、「呢啲情懷，大咗就沒，小時候要好好享受」、「真係好溫馨」、「So sweet」、「青春呀初戀呀，哪個沒有」、「好有初戀嘅感覺⋯⋯」、「我見到的是最真摯純真的愛，這就是初戀的感覺」。有人甚至既唏噓又失落地指「呢個童年回憶我都過咗廿年，以後都冇呢個機會」、「我都，已經唔會再有咁既機會」。

「年代唔同啦」

有網民則認真地提醒樓主，「Sorry，真係覺得冇問題，年代唔同啦，唔好用清朝嘅標準」，有人反問「穿校服就不能愛嗎？樓主未後生過嗎？」甚至嚴重地指「未試過著校服拍拖直頭係人生100大遺憾之首」。

另有人認為樓主的做法是感到「葡萄」、「妒忌心作怪」，還有人慶幸「好彩細過年代冇相機電話啫」。有網友則緩和氣分，搞笑地指相中人可能「暈咗」、「要人工呼吸啫」、「食完嘢冇紙巾」、「做急救唧」、「吹沙入眼」、「可能食緊一條薯條」，或詢問樓主「係咪擔心傳染肺炎？」

帖文來源：屯門友
 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ