冷血司機落網│利濰仍未甦醒 彭母：希望法律制裁到 起碼還我個仔一個公道

「呢個司機好惡劣！我個仔太唔好彩，（佢）撞咗唔理阿仔，仲要燒埋部車，唔止一次，太過份！」元朗被私家車撞飛10多米身受重創的14歲少年彭利濰，仍留醫深切治療部，一直昏迷。彭母獲知警方已拘捕涉案司機，感謝警方積極破案，「起碼捉到兩個人(警方已拘捕3男1女)，阿仔都有啲安樂，不過，唔知告唔告得入。」

當獲悉被捕司機早在去年7月因一宗危險駕駛案件而被通緝，彭母坦言「呢個司機好惡劣！如果唔係當時有途人報警，我個仔真係好危險。警方有聯絡到我，話畀我聽拉咗人，但拉咗咩人，幾多個人我就唔知。」

彭母指利濰今日要做盤骨手術。楊偉亨攝

利濰與媽媽的合照。受訪者提供

11月7日當晚利濰在元朗青山公路灰沙圍散步，突遭一輛私家車撞飛10數米，頭部及盤骨重創。資料圖片

相關新聞：14歲少年被撞案警再拘3人 揭司機無牌駕駛 女友助燒車 利濰母親感欣慰

她對於涉案司機一直被通緝而未被捕，認為太過份，「或者佢唔只一次，我個仔唔好彩，直情撞到佢咁散......天網恢恢，如果告得佢入，法律制裁到佢，市民都安樂，起碼還我阿仔一個公道，唔好消遙法外。」

利濰今日（18日）做盤骨手術，「依家未知情況。醫院未打嚟話我知咩情況，只係手術前見過骨科醫生，聽過麻醉科醫生電話，佢一直未清醒，腦壓同我哋正常人相差好遠，不過依家科技好啲，但都係等，醫生比較保守，話有機會有得醒，又或有機會醒唔返，睇吓一路醫落去係點.......佢應該有好長時間先恢復到。」

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ