Juicy叮｜不滿食肆改用自助落單 網民批「服務費以後改叫運費算啦」

不少食肆現時亦陸續採用自助下單方法，讓顧客透過掃瞄QR code自行下單。有網民則在網上發文批評相關做法，並直斥「服務費以後改叫做運費算啦」。

該名網民日前在連登討論區以「XXXX，服務費以後改叫做運費算啦」為題發文，提到如今在進入食肆時，亦改用掃瞄QR code自行下單，並指員工現時只負責送餐，「由廚房幫手拎碟嘢過嚟」，直言「咁都可以收服務費，都唔知邊忽服務過」，並指「不如直接話係收運費算啦」。

相關帖文隨即引起網民熱議，有人認為「你可以要求佢幫你落，咁條氣會唔會順啲」、「正確定義，直接入待應袋先可以叫服務費」、「服務費=員工嘅人工」、「標準答案：你有嘢叫侍應幫忙佢哋係會幫你，所以係你冇用到啲服務，唔係佢冇提供服務」、「咁係個系統serve緊你，好過受完啲侍應氣，之後仲要畀服務費，咁諗會唔會好啲」等。部分人認同樓主的看法，並指「紙巾仲要加$2，水又大大枝放檯面自己倒，餐具又一份份長期放喺度」、「琴日食donki壽司，啲野食運輸帶送過嚟，全程無同侍應接觸，都夠膽死收服務費」、「所有加一餐廳都唔會幫襯」、「見過有間甜品鋪喺旺角嘅，單要自己行出去落，嘢食要自己行出去拎，然後佢收加一同埋有人均最低消費」等。另有人則指出自助下單的不便，並指「變X晒手機落單，餐牌都收X晒，同老人家去食野佢哋睇唔到咁細個mon，連有咩食都唔X知」等。

帖文來源：連登討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY