Juicy叮｜HKU SPACE畢業履歷表寫少截變HKU 網民小學雞式揶揄

求職時於履歷表填寫學歷乃基本要求，但報上校名時得細心斟酌，寫多了、寫少了分分鐘引起誤會而影響入職機會。

近日有於HKU SPACE（香港大學專業進修學院）畢業的打工仔投稿至facebook專頁「奴工處」，指「去見工個HR話我CV寫咗喺HKU畢業，佢話見我張CERT係HKU SPACE，要我填見工表格時要填返HKU SPACE。」投稿人反問「乜佢身為HR唔知SPACE都係HKU一部分？定係睇我唔起呀？」

網民回應請點擊組圖瀏覽：

打工仔投稿至facebook專頁「奴工處」。fb「奴工處」圖片

網民說出重點：「自己睇唔起自己咋下」。網上截圖

網民指「HKU SPACE喺係HKU之下，但唔代表可以直接寫HKU」。網上截圖

網民批評「千方百計隱瞞自己響邊度畢業，咁做係無恥。」網上截圖

網民發揮幽默本色。網上截圖

帖文一出，網民即群起力撐人事部職員，直指「HKU SPACE只係附屬學院，兩回事」、「HKU SPACE喺係HKU之下，但唔代表可以直接寫HKU」。

還有人一針見血地指「你睇唔起SPACE姐」、「自己睇唔起自己咋下」、「唔同就唔同啦，係佢自己睇HKU SPACE唔起啫......」。另有網民細心地講道理「HR只係叫你寫番清楚就等於睇唔起，你係咪諗太多？ 同埋，你點解唔想寫清楚？ 故意？ 點解？自己都睇唔起HKU SPACE? 究竟邊個諗太多」。有網民也認為「HKU SPACE畢業不可恥，千方百計隱瞞自己響邊度畢業，咁做係無恥。」

Son姐一槌定音：自覺「唔夠照」

別號「職場女王」，獵頭公司創辦人兼CEO，人稱「Son姐」的張慧敏甫一聽到這宗個案，即一槌定音地指是這名求職者「自己睇唔起自己」、「怯」，自覺「唔夠照」而走精面。

她提到若在HKU SPACE修讀副學士後，再入讀港大繼續進修並取得學位畢業，列明畢業於HKU當然無問題，但一日未畢業也不能這麼寫。「Son姐」認為，也不排除有漏寫的理由，只是最重是看動機和面試時的態度。她直言有關情況定對求職者是否被取錄有影響。

另有剝花生的網民作出小學雞式的揶揄：「哈爾濱佛教大學畢業也不能簡寫哈佛畢業」、「之前係劍橋做教授，劍橋護老院」、「牛頭角津貼小學」、「麗晶大賓館又點同麗晶酒店」。更有網民發揮幽默本色，圖文並茂指「你話你已經HKU 後面打左SPACE鍵」。

帖文來源：奴工處
 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ