Juicy叮｜打工仔WFH開網會突肚痛 上司倡照去廁所：「我地又唔會睇到或聞到」

在家工作日漸普及。有打工仔日前在網上發文大呻，在家工作期間需要進行線上會議，自己卻突然肚痛，因此向上司請示希望可以暫時離開會議去洗手間。誰料，上司竟表示「你唔洗走啦，你咪照去，我地又唔會睇到你或者聞到」。相關帖文隨即引起熱議，並有人直言樓主太誠實。

該名打工仔日前在香港討論區以「痴線!!! 點解有咁變態上司要跟埋我去廁所」為題發文，提到在上周三(2日)8號風球當日，是自己入職現時的公司後首次在家工作，並指「冇得放打風假已經有少少不爽」。樓主指，當日需要進行線上會議，但期間突然肚痛，因此向上司請示希望可以暫時離開會議去洗手間。誰料，上司竟表示「你唔洗走啦，你咪照去，我地又唔會睇到你或者聞到」，又指「你覺得尷尬的話，咪暫時mute一mute個咪就可以」。樓主指，「個會我只係sit in 齋聽」，並指不習慣拿著電話開會，「最後我死忍到開完會先去廁所」，又因此感到不滿，直言「有冇咁唔信任員工work from home！！ 係咪畀返我地返office囉」。

該名打工仔以「痴線!!! 點解有咁變態上司要跟埋我去廁所」為題發文。《大叔的愛》劇照

相關帖文隨即引起熱議，有人認為「咁嘅老細，早走早著」、「佢驚你miss咗啲重要野」等，亦有人認為上司的說法沒錯，「老細講得啱喎，靜音後去廁所咪得囉」、「又係喎，睇唔到又聞唔到，都唔知你做乜」等。另外，有不少人則直言樓主太誠實，並指「事後講返唔得咩」、「痾完返嚟都冇人知啦，你太有交帶了」、「你只係sit-in，其實你唔講，去完都無人知啦」、「你喺唔喺度都冇人知，仲咩冇喇喇要講你行開呢」、「樓主食咗誠實豆沙包」等另有人則建議，「放張相喺鏡頭前，帶籃牙耳機入廁所囉」、「把視訊的icon 貼上樓主的相片，之後關視訊，帶藍牙耳機入廁所」、「其實短暫關咗個screen同mic就可以? 有時有啲會我都係sign in了就照做自己野」等。

帖文來源：香港討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ