Juicy叮｜3x歲祼辭去旅行 連登仔舉腳贊成：青春過咗就冇

疫情放緩多國開關，網民那顆躍動的旅行之心按奈不住了，「連登討論區」一個以「3x歲應否為左去旅行以（而）祼辭」的帖文，吸引逾7500個正評，連登仔都力撐樓主，理由大都離不開「青春過咗就冇」的大道理。

網民回應請點擊組圖瀏覽：

「3x歲應否為左去旅行以（而）祼辭」的帖文，吸引逾7500個正評。網上截圖

連登仔都力撐樓主的理由大都離不開「青春過咗就冇」的大道理。網上截圖

有網民也好想休息下。網上截圖

有過來人大力推動樓主裸辭去旅行。網上截圖

有網民力排眾議，基於樓主的經濟問題而反對。網上截圖

唱反調的網民留言。網上截圖

有同道中人表示準備花30萬至40萬去環遊世界1年。網上截圖

樓主日前發貼，指畢業後在社會工作十多年，儲蓄夠用1年。由於工作較緊張，放兩星期假也難，有意明年初收妥花紅便祼辭去東歐、冰島、澳洲，實行長旅行兩個多月。

帖文一出即引來大批正評，網友似乎將自己嚮往的生活投射到樓主身上，並細心分析家庭與年齡是關鍵因素，指「生仔後唔會有得咁玩，你諗你，一係生仔前玩，一係65後」、「去啦，工嘅野好死，隨時都可以再搵，但青春過左就冇，如果3x歲唔去，唔通等65歲有$2搭車先去咩，既然自己想去，就襯自己仲未有咩大負擔去左先！」

「去旅行啦，活在當下，唔好老左先後悔」、「去玩一定要襯後生，過多幾年你就會好明顯覺得自己體能下降，無乜活力，到時玩咩都無咁盡興」、有句說話叫「你永遠不會知道明天和意外哪個會先來」，如果而家唔去做，幾時去做？」

經濟許可一定要去

有2x歲曾裸辭過兩次去旅遊的過來人指，「都已經3X歲，再猶豫就唔會再有機會咁樣去」。另有過來人表示，「差唔多十年前試過，去左歐洲三十幾日，事後諗返起完全唔係啲咩big deal，反而而家有家庭之後就真係痴人說夢啦」、「早幾年裸辭去左兩個月，只有後悔去得太短太少地方」、「去啦。我廿中時都做過，絕無後悔，開闊咗人生」。

有同道中人則透露自己的大計「如果經濟許可一定要去。當你諗到成世人做野做成40年，幾個月算係咩。加油呀，我都計劃左2年後35歲裸辭用一年時間環遊世界，Budget（預算）30-40萬左右。有人會話退休先去，但我自己三十幾都開始覺得D精力魄力無以前咁好，何況到五，六十歲」。

有網民力排眾議反對

不過，有網民基於樓主的經濟問題而力排眾議，指「裸辭去旅行冇乜問題，但你三十幾歲人積蓄都淨係夠摵一年就好大獲（鑊），有咩頭暈身㷫你就可以下世再努力」。另有網民指「個個都叫樓主去，我就今次唱下反調，嚟緊經濟衰退，有得做黎生好應該繼續做，旅行呢d野等真係比人炒左先好去啦」

帖文來源：連登討論區
https://lihkg.com/thread/3198356/page/2
 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ