TVB惹公關災難 質疑去其他電視台落廣告「匪夷所思」 回應：不存在攻擊之說

電視廣播（TVB）（511）上周在官方LinkedIn發文，指以每點收視成本計，廣告客戶在另一間電視台落廣告比TVB昂貴得多，直言是「匪夷所思！」、「唔通你真係唔使同老闆交代？」，引起業界討論，不少廣告界人士留意反駁。TVB今天（11月1日）回應指，有關說法並不存在攻擊廣告業界之說，並希望引起市場關注CPRP的重要性。

TVB就近日市場及營業部於LinkedIn發表的評論引起關注，而作出聲明，指出有關言論並不存在攻擊之說，而原文表達CPRP（收視點成本），是一項具重要性科學量度方程式，希望引起市場關注，突出CPRP的重要性。

希望市場關注CPRP重要性
TVB指出，一直與業界持份者及廣告業界攜手參與收視調查，以收視點作為最具公信力的評估基礎，現時業界在評估基準上優化納入數碼平台數據，作為未來新世代的業界指標。

TVB亦認為，「作為行業一致公認的計量效益標準（common currency），討論和增加推廣CPRP絕對是有利電視和廣告業健康發展」，亦符合廣告客戶的最大利益，又稱「事件無意針對任何人、亦不存在攻擊廣告業界之說。」該集團指出，會致力求進步，加快發展步伐，以迎合市場需求。

TVB「引戰」，睇業界留言🔽

發文問「點解收視咁高都睇唔到？」
事件源於TVB官方LinkedIn的帖文上，三問營銷人員為何在TVB以外落廣告，「點解CPRP貴到咁都仲要買？點解Ratings（收視）咁高都睇唔到？點解Marketers唔要高ROI（投資回報率）？」文中又反問，「如果你係marketers（營銷人員），你會點揀？ 唔通你真係唔使同老闆交代？」

TVB舉例指，台慶劇《下流上車族》首播高開，第一集平均直播收視22.5點，第二集再升至23.2點，而另一家電視台同一時段收視為3點，CPRP較TVB貴994%，「23.2點即係成個劇集平均每分鐘都有150萬人睇緊，而另一個電視台同一時段嘅3點收視，即係平均每分鐘約有19萬人睇。畀咁多廣告費得咁少人睇，CPRP梗係貴啦！」有關帖文同時宣傳其「廣告優先預訂計劃」。

業界留言多批評
該帖文近日引起熱烈討論，有人批評TVB態度不友善，「唔gur（不滿）對家搶你啲廣告客戶就係度發惡鬧人」、「自己衰乜都唔知重去歸咎marketers」。有人質疑TVB用收視作標準已不合時宜，回帶批評其「又話唔再披露rating」、「收視係高，但唔代表你擊中目標客戶」。也有人笑指，這個帖文的宣傳效果特別好，「呢個post可能係tvb開linkedin page咁耐以嚟最多reach（接觸）同response（回應）」。