體操｜石偉雄世錦賽排名22 捱過傷患期盼下一年

石仔今年受到傷患影響，訓練斷斷續續。 石偉雄Facebook圖片

石仔9月在法國參賽。 石偉雄Facebook圖片

石仔今年花多了時間在海外訓練。 石偉雄Facebook圖片

石仔完成世錦賽，將回港治療傷患。 石偉雄Facebook圖片

石仔將目標放在23年亞運及奧運積分賽。 石偉雄Facebook圖片

國際體操裁判袁家強(右)從後支援石仔。 袁家強Facebook圖片

黃曉盈(左)與師妹陳卓琳一起出戰平衡木賽事。 陳卓琳IG圖片

黃曉盈(左)與師妹陳卓琳盡力比賽，但未入決賽。 陳卓琳IG圖片

 

 

利物浦舉行的世界體操錦標賽，港將石偉雄在英國時間周一出戰強項跳馬賽事，最終完成兩跳，以13.616分得到廿二名，未入前八名決賽。石仔賽後表示，自己一整年受到不同傷患影響，完成今年計畫後會好好治療傷患，來年再戰江湖。

石仔在世錦賽前都留在波蘭訓練，英國時間周一出戰跳馬初賽，使出難度系數5.6的兩跳、分別是前手翻團身前空翻轉體180及直體笠松720 (990)，最終兩跳綜合分數是13.616分，排名廿二未入決賽。此外，女將黃曉盈及陳卓琳分別出戰平衡木初賽，各自拿到10.266分及10.033分，二人均未能晉級決賽。

比賽之後，石仔在社交媒體撰文分享心聲：「比完啦。二○二二年計劃終於完啦，今年終於捱過，對我黎講今年係豐收的一年，只不過收到全部都係傷患，困擾成年，不過就算日子幾難過都要行落去，唯有行慢一點。」

石仔表示，真係跑得返是最近一個月之前的事：「原本打算會做李世光跳，為安全起見都要減難度，今年係我咁多年入面『忍』得最耐的一次。呢一年我麻煩了好多人，多謝大家陪我一齊面對，我會盡快處理好傷患。」石仔表示，二三年開始計奧運積分，無論前路幾難行，都會繼續行落去，因為仍未到終點。

今屆在世錦賽現場評分的國際體操裁判袁家強指，石仔今年受到突如其來的傷患影響，不能夠正常跑動，因此石仔和教練團及物理治療師不斷商討醫療方法，袁家強也幫忙提供合理訓練方案協助。最終，石仔在世錦賽順利完成兩跳，下年將瞄準杭州亞運及世錦賽兩個舞台，然後再向巴黎奧運進發。


立即下載 | 全新《星島頭條》APP : https://bit.ly/3yLrgYZ