雷有輝四度延期個唱落實下年5月舉行未知囝囝會否上台怕搶風頭

2022-10-31 19:45

雷有輝（Patrick）今日到電視城為《勁歌金曲》錄影，提到他原定去年舉行的個人演唱四度延期，他指現已落實在明年5月舉行，並透露演唱會主題、場地、流程等也要重新做過，問製作費是否增加很多？他說：「我唔清楚，我只係負責音響部分，財政有專人負責。」他又被工作人員取笑是首個四度延期的歌手，破晒香港紀錄。

雷有輝演唱會已落實明年5月舉行。

演唱會主題、場地及流程等也要重新做過。

Patrick表示今次演唱會連主辦單位都轉了，「之前承諾咗歌迷會開，所以一定要兌現。」至於邀請邊位嘉賓，他指仍未落實，但太極成員會全力支持，至於兒子雷瑋陶（Matt）到時會否上台？他指今年是Matt在大學的最後一年，所以不敢強迫他：「睇佢練成點，有冇時間同興趣上台，不過都要比我過目。（怕佢表現唔合格？）合格就一定，我驚佢勁過我，搶我風頭就唔好。」Patrick稍後將會為演唱會寫主題曲，望能在個唱前推出。

雷有輝同囝囝。

同場的Kerryta（周子涵）透露新歌《Time To Let Go》是以灑脫態度告別逝去的關係，當中包括愛情、友情及親情：「都係自己寫照，因為疫情關係有親人走咗，同埋自己養嘅貓之前都走咗。」對於今次邀得馮允謙為她作曲，她覺得很開心，問到有沒有打算開騷？她說：「個人就唔會住，想儲多啲歌先，但今年唔排除會跟同公司嘅歌手一齊開騷，不過我都已經做緊新歌，會同另外兩個單位一齊合作。」