頭條戲場丨《獵戰》睇到好爽超緊湊「捉鬼」記

電影是憑《魷魚遊戲》勇奪艾美獎視帝的李政宰首次自編自導自演，李導演仲用咗4年時間不斷修改劇本，就係想每個角色的行為更令人信服。劇本融合80年代韓國混亂的政治背景，再以部分真實事件為原型的虛構故事。簡單講，屬於南韓鑽石政治版《無間道》，除咗兩大男角李政宰及鄭雨盛，仲有粒粒大星輪住客串兼逐個死，李導演非常有面子。（上映中） 撰文：廖思慧

串星之一，金南佶。

串星之二，朱智勛。

串星之三，李星民。

串星之四，黄晸珉。

朴平浩（李政宰 飾）及金正道（鄭雨盛 飾）分別是南韓中央情報局（KCIA）的海外組組長及國內組組長，因為情報洩漏，衰格總監下令兩人調查對方，要搵出北韓間諜東林。由同袍變敵對，你竊聽我、我又跟蹤返你，你綁架我啲人、我又嚴刑逼供你啲人，雙方爾虞我詐、互不相讓，「捉鬼」過程精彩到黐線，買咗支水入場都唔得閒飲呀。

金正道是前軍官出身，冷酷又頭腦冷靜，性格堅韌正直，律己以嚴。

朴平浩加入情報局十三年，情報收集得快而準，受人敬仰。

全片有好多爆炸場面，包括泰國墓地伏擊總統，由於Budget所限，所有場景都在韓國拍攝。

高質心理戰

全片126分鐘，信息量超龐大，節奏掌握滿分，動作場面多到你會覺得好抵睇，如一開場的華盛頓劇院機關槍無限射擊、東京街頭死咗好多人嘅槍戰、中央情報局樓梯群揪、洗衣店大爆炸及泰國墓地伏擊總統等。作為導演處女作，導技好純熟，選材同野心亦非常大膽。最鍾意兩位男主角的對手戲，因為立場完全唔同，碰撞感極強，加上劇情不斷反轉，究竟邊個係人邊個係鬼，你會好留意所有人嘅對白，開頭以為唔關事，最後睇到吓一聲，結局屬開放式，點睇都唔似處女作。

朴平浩(李政宰飾)及金正道(鄭雨盛飾)互相調查對方，呢Part真係好好睇呀。

一開場的華盛頓劇院機關槍無限射擊，情報局人員出動拉人。

田慧振是李政宰的得力下屬。

揭發內奸的過程中，金正道識破了暗殺南韓總統的大陰謀，為了維護自己的原則，他不惜進行一個危險的任務。

金正道覺得朴平浩就係間諜，睇住下屬嚴刑迫供對方下屬。

李政宰由頭帶到尾，鬥智又要鬥力好厲害。

金正道竊聽朴平浩講緊乜。

雙方爾虞我詐、互不相讓。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ