獎門人｜劉穎鏇Tube top短褲上陣為《超能使者》搏到盡 陳瀅走光方力申話應做足安全措施
2022-10-27 16:30 
陳山聰、劉穎鏇、方力申、王灝兒(JW)、劉佩玥、張國强及陳欣茵等人早前為《開心無敵獎門人》錄影，張國强出埸與曾志偉互相鞠躬，而張國强為尊重愈鞠愈低貼晒地，志偉更鞠到爆裙，要行埋一邊整理，他笑稱着唔慣裙。「爆炸頭」落選港姐徐麟今集沒有現身，由林穎彤接替獎老，志偉笑說：「徐麟的廣東話唔正，拉咗去學廣東話，睇金剛到而家都未返嚟。」
【相關閱讀】：獎門人丨高海寧「心口壓」黎諾懿 糖妹玩到濕底褲仲有人性感透點
【點擊睇今個禮拜《獎門人》錄影嘅精彩片段】：
陳山聰受訪表示與劉佩玥打破紀錄，他們第3次玩《獎門人》節目，有信心帶領大家贏更多獎金、獎品，笑言家中最多灰甲水。劉穎鏇為代表《超能使者》隊，以劇中造型背心、短褲加牛仔外套現身，她笑稱不知可否吸引獎門人，唔使玩都有獎品。陳山聰則說近期為《超》宣傳，大家會見到劉穎鏇多穿背心短褲。劉穎鏇首次參加《獎門人》表示好期待，最希望玩「口不對心」及背對背的「估嘢食」遊戲。說到她在《超能使者》宣傳片以三點式泳裝示人，問收視好她如何答謝觀眾？山聰笑笑口說若首播有20點收視，建議她穿劇中藍色比堅尼泳衣，他會半裸不着衫陪劉穎鏇，還說要拉埋林子善「落水」，他爆子善在劇中有埸戲似「波叔look」好激凸，到時要子善以「波叔look」激凸造型示人。
方力申（小方）及王灝兒(JW)對玩遊戲充滿信心，小方戲言印象中玩遊戲20多年從未輸過，吃辣辣壽司沒問題，但試過辣到好似燒胃。JW自覺沒形象好玩得，素顏都冇所謂。昨日小方與陳瀅出席《美麗戰埸》宣傳活動，陳瀅行上台時不慎走光，小方說：「我覺得冇嘅，女仔一定着打底褲，訪問時坐在台邊她也說沒問題，肯定做足安全措施，同埋打咗格仔都冇人睇到，條題可能跟劇情黑化啫！」JW也說睇相冇嘢，相信陳瀅做足安全措施。
【其他文章】：
38歲鍾嘉欣宣佈誕下第三胎 阿女巨B級出世勁重磅 頭髮濃密似足阿媽！
美麗戰場劇情｜朱晨麗方力申偷情濕吻再床戰？陳瀅遭虐打全身瘀傷留血痕
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應