獨家丨簡淑兒訪問移英港人啟發唔好原地踏步再被質疑樣貌進化:好過話醜

2022-10-22 08:00

簡淑兒（Jessica）首以主持身份主持HOY TV節目《離鄉別井的故事》，之前去咗英國37日，走訪9個城市訪問了15個移英港人，包括前TVB藝人林師傑及歐陽巧瑩夫婦。訪問過程中令她有所得著，啟發到只要放膽踏前就會搵到更多去路，總比原地踏步好。採訪：方騫平攝影：羅安強髮型：Daniel @ MiniG salon 化妝：Joscyrosy 服裝：Zara

簡淑兒首次做主持好有滿足感。

今年6月離巢TVB的Jessica即挑戰新任務。

初試啼聲為HOY TV節目做主持。

由於Jessica讀過心理學，較容易跟人溝通，令受訪者真情流露。

Jessica英國行有好大滿足感。

Jessica明白人生好長，每一步都係一個經歷。

今年6月離巢TVB的Jessica即挑戰新任務，初試啼聲為HOY TV節目做主持。由於她讀過心理學，較容易跟人溝通，令受訪者真情流露，當受訪者隔空跟家人表白內心感受時，她和受訪者都忍唔住爆喊，畫面相當感動。

林師傑居英抗抑鬱
Jessica最難忘訪問港英政府年代，擔任前政務司司長陳方安生的政務主任Candy，對方甘願放棄女強人厚職到法國進修，最後選擇在英國鄉郊生活。Jessica又在他鄉重遇林師傑與太太歐陽巧瑩，還大爆兩公婆生活美滿：「林師傑曾經患過抑鬱症，仲有過輕生念頭，好彩有歐陽巧瑩喺身邊支持，所以兩個人唔可以冇咗對方，好Sweet！」當問到兩人如何維生時？Jessica呆一呆說：「佢哋應該有儲蓄，聽師傑講佢想搞啲農場嘢。」

簡淑兒喺英國期間不慎病倒，只能頂硬上。

最深刻係訪問前政務司司長陳方安生的政務主任Candy。

林師傑及歐陽巧瑩好鍾意英國嘅簡單生活。

Jessica表示英國行有好大滿足感，美中不足行程去到一半就病倒，把聲沙到爛。不過，總算有得著，尤其明白人生好長，每一步都係一個經歷，「即使移民，唔適應咪返嚟囉，根本唔會輸，唔使顧面子。」另外，對於樣貌再被指「升級」，簡淑兒就再回應，強調「話題來來去去都係嗰啲」，不過被讚當然好過被彈愈嚟愈醜，而男友麥大力都叫佢不用理會。