桌球大師賽｜讚傅家俊有問必答斯文有禮 伍家謙：「廿幾年從來無變」

香港球手傅家俊在香港世界桌球大師賽決賽中取得亞軍。傳媒工作者伍家謙近日在社交平台撰文，並提到傅家俊永遠有問必答斯文有禮，「呢一點，廿幾年嚟從來冇變過。」

伍家謙在社交平台發文，提到20年前的本地運動發展及風氣遠不如今日，可以在世界性賽事取得成績的只有李麗珊、黃金寶及傅家俊。他憶述自己在千禧年初入行做兼職記者，傅家俊當時已是「神級嘅存在」，加上自己亦喜歡打桌球，當每次有機會訪問對方，總會特別期待。他指，「神級嘅佢態度一啲都唔神，反而更似同你傾計（偈），永遠有問必答斯文有禮。呢一點，廿幾年嚟從來冇變過。Respect。」

伍家謙發文分享訪問傅家俊點滴，請點擊組圖瀏覽：

伍家謙憶述，自己在千禧年初入行做兼職記者，傅家俊當時已是「神級嘅存在」。資料圖片

傅家俊在香港世界桌球大師賽決賽取得亞軍。資料圖片

伍家謙指，傅家俊永遠有問必答斯文有禮。資料圖片

伍家謙指，政府提出要將體育盛事化、精英化、普及化，而傅家俊當年幾乎將這3件事一手包辦。資料圖片

傅家俊與奧蘇利雲在決賽中對決。資料圖片

伍家謙又指，當年想在亞運站上頒奬台亦不容易，而傅家俊由1998年到2010年曾參與4屆亞運，取得三金三銀，「屆屆有牌落袋，得奬率百分百」，並指在2014年開始亞運取消桌球，「初頭幾乎係要靠佢一個人嘅成績頂住，呢項運動先至可以繼續留低做體院嘅精英項目」。他指，政府不時表示要將體育盛事化、精英化、普及化，並指傅家俊當年幾乎將這3件事一手包辦，「喺精英層面佢有成績、令到喺香港搞嘅大型比賽多咗焦點、扭轉大眾對『去波樓』嘅負面印象，直接令更多人願意放心畀小朋友接觸桌球，呢樣，係一個非常了不起嘅成就。」

相關新聞：
香港世界桌球大師賽結果出爐 傅家俊不敵奧蘇利雲屈居亞軍：https://bit.ly/3s1d4c5
桌球大師賽｜8000人觀戰破世績 傅家俊不敵奧蘇利雲：只要盡力任何事亦有可能：https://bit.ly/3VhfdxC
桌球大師賽｜傅家俊：多年以來最難忘比賽 一幕一幕嘅畫面好似發夢：https://bit.ly/3rIqJEH
桌球大師賽｜奧蘇利雲：在港很開心非常美妙 訪港不忘跑步留足跡：https://bit.ly/3SRwdcb
傅家俊眼疾｜傅家俊曾患飛蚊症視網膜退化 克服眼疾大師賽奪亞（附飛蚊症症狀）：https://bit.ly/3VdDzYV

他又提到，日前看到有留言批評傅家俊，包括「乜佢仲識打咩」及「過氣球手」，並指社會對體育的關注好大程度與成績掛勾，但希望在追逐勝利快感時，社會亦切勿忘記一直從未離開的運動員，「係呢班人點點滴滴嘅累積，先至令香港體壇走到今時今日。」他續指，「張家朗出世嗰年，Marco已經為本地體壇努力緊；人來人往，一個個熟悉嘅名字或離開，或退役，同期嘅人大部分都冇再做運動員，連我自己都冇再做體育記者，只有Marco仍在，淨係呢樣，已經值得致敬。」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ