李靜儀被指身材同樣有變化 強調冇整容上圍一向「小饅頭」

李靜儀（Heidi）、衛詩雅今日到尖沙咀出席活動，前者最近上載泳衣相到社交平台被網民大讚身材好，穿上低胸白色長裙的她，非常性感。

Heidi唔經唔覺31歲，近年個樣同身材明顯成熟咗。

佢話只係做咗療程，無整過容。

衛詩詩最近忙搬屋。

Heidi露上又露下，好難得。

兩人齊著白色長裙，輕滲仙氣。 ​

Heidi透露現時正為即將開拍的動作片學功夫：「我學緊一招騎上男人身上，然後用鉸剪腳撻低佢。」Heidi笑指現時可成功撻人，又謂自己本來已想學功夫防狼，問她是否經常被博懵？她説：「都驚嘅，畀男仔恰時可以對付返佢哋，其實拍《假冒女團》時有學（功夫），不過就冇機會展示。」提到被網民指身材及樣貌出現變化，Heidi強調自己冇整容：「可能因為長頭髮，同埋做咗啲美容療程，身材方面我不嬲都係咁，係『小饅頭』，可能影相角度問題，側身加上有少少陰影，睇落覺得有啲唔同，網民話見到張相好驚，其實好小事，大家唔使驚，都係focus返去啲身材好嘅女星度啦。」

Heidi自稱身材只係小饅頭，覺得大咗只係角度問題。

同場的衞詩雅同樣穿白色長裙，提到她看起來瘦了不少，她直言因最近忙搬屋，以及為稍後開工而減磅：「開工時好多嘢食，好容易肥。」

已有3、4個月沒拍戲的衛詩雅，指搬屋花了五位數，所以要努力搵錢，雖然打算慳住使，但她自爆出席活動前跌爛手機，搞到又要花錢買新電話。她還透露手上有3個劇本，當中包含沉重、喜劇和驚慄類型，她表示以往會選擇接拍比較沉重的角色，但現在人大了，比較想接拍喜劇，因為她覺得令人笑是一種福份。

Michelle自爆出席活動前跌爛手機，搞到又要花錢買新電話。

Michelle搬屋用咗5位數。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ