鄭秀文宣布明年7月開紅館騷 拒談老公許志安復出：唔講佢
2022-10-08 18:30 
鄭秀文（Sammi）今日出席一個啟動禮活動，宣佈明年7月於紅館舉行演唱會，由於不是申請一次就成功，所以特別珍惜，鄭秀文表示對上一次開騷已經是2019年，雖未知今次開幾場，但已經開始構思內容，並謂一直有做廣東歌，因她不希望開騷只唱舊歌，所以即使疫情令市道不好都繼續做廣東歌，笑言對廣東歌矢志不渝，「我呢啲年紀都唔會愈開愈多，個期好難申請，所以申請到真的很感動。（會準備很多靚衫？）一定多，著靚衫喺興趣，但今次去時裝周就無買太多，怕到時會過，個演唱會最重要是個形式，睇開我開騷的觀眾都喺想睇豐富的內容，我都傾向呢種形式。（在巴黎時裝周再見周杰倫，會否邀請他做演唱會嘉賓？）唔記得咗問佢，太急，大家只是閒聊幾句，對上一次見面都十幾年，睇住佢成長，但大家都無乜點老，keep得好好。」
【相關閱讀】：許志安哽咽開直播騷重新出發 鄭秀文抵巴黎睇時裝騷心情靚
【點擊睇鄭秀文活動照】：
鄭秀文早前參與拍攝新導演賈勝楓的電影《流水落花》，該片受邀成為「亞洲國際電影節」閉幕電影，鄭秀文表示有雙喜臨門的感覺，指近年完成的電影作品都要等幾年才上映，甚是上映無期，或者上映後未有理想的票房成績，故《流》片能成為閉幕電影感到非常難得，講到老公許志安都復出是三喜臨門？她笑說：「唔講佢，等佢自己講自己嘢啦。（有看他之前的網上音樂會？）有。（有沒有鼓勵他？）唔講咁多，等佢自己交代啦。」
另外，《明日戰記》獲邀成為「倫敦東亞電影節」閉幕電影，總監製古天樂更獲電影節頒發「亞洲影壇傑出成就獎」（Outstanding Achievement Award for Asian Cinema），表揚他對亞洲影壇的貢獻，鄭秀文知道後都為古仔感到高興，指他為電影勞心勞力，很值得攞獎，問到可會與他食飯慶祝？她笑說：「佢就快生日，應該會和杜sir（杜琪峰）一齊食，或者佢請我哋食飯呢，佢咁好成績。（請他做演唱會嘉賓？）要睇佢得唔得閒，有佢都唔錯，佢都經常做演唱會嘉賓，唔差在出年。」
【其他文章】：
惠英紅賤男舊愛與大佬B聚舊驚現發福樣 長居內地搵食狂拍愛國抖音片
《殘酷一叮》參賽者近況｜扮聲達人發福登台狂掘金 莫生大個走樣歌手夢碎
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應