全城一叮｜「美女」露長腿擘髀一字馬勁火辣 伍詠薇睇到尖叫真相竟然係咁
2022-10-08 14:00 
《全城一叮》昨晚播出第二集，最後登場的林子超變身「變裝皇后」（Drag Queen）Lindylicious，贏得全場掌聲，評判伍詠薇、蔡一傑睇到熱血沸騰！林子超身穿黑色大褸背台出場，唱了幾句就脫下大褸，露出金色假髮，身穿黑色貼身衣加上閃片及墨綠色皮帶裝飾，下身則絲襪搭黑色高踭長boot，睇到全場嘩嘩聲。造型出色，表演亦相當精彩，一輪勁舞加上口踢一字馬、腿擘髀及側手翻等高難度動作，成功晉級決賽。伍詠薇激讚：「呢啲咪表演囉！我真係愛上呢個女人！我冇錯過你任何一個動作，我今日嚟做乜我都唔記得咗，我已經鍾意咗你喇。」
【點擊睇林子超「變裝皇后」表演】：
節目出街後，林子超獲得高度關注，他昨晚也在IG直播解說今次變身「變裝皇后」的過程。林子超表示：「真係好驚，今次表演都幾創新，香港電視台都冇認真咁做過（變裝皇后），所以用咗好多時間籌備，搵咗好多朋友幫手。」林子超透露上台前化妝化了3個小時：「臨出場先化好，我仲要整爛咗對絲襪，因為我之前冇着過絲襪，絲襪係啲線都爛晒。」在籌備過程中，他更試了4次妝、2次頭，服裝更是與設計師共度10個小時製作。
林子超表示希望可以令觀眾更認識「變裝皇后」文化：「喺外國佢哋真係好勁，化妝、衫都係自己搞掂。」今次他為表演訓練了一個月：「練習用高踭鞋跳舞，揀鞋都揀咗好耐，買咗四、五對，台上嗰對都係表演前兩日先到香港。真係好多嘢練，我着高踭鞋畀個朋友話我好似男人咁，之後用咗好多時間上堂，要學習點着高踭鞋。」
林子超今日再在IG貼出長文，指過去12小時收到不時訊息和留言：「關注度係絕對超乎我所想象，感激你們每一位。」入行十年的他表示過去機會多，但似乎欠缺一點運氣：「但好像作品之間的時間相距太長，沒有承接。娛樂圈發展永遠都不容易，太多的天時地利人和。過去追夢嘅日子，有無數次信心俾擊破，失望，迷惘，但我從來都沒有放棄。」林子超說：「多謝演員呢一個工作令到我可以不斷挑戰自己，演繹社會上唔同嘅角色。荷里活有《丹麥女孩》（Danish Girl），香港電影圈有翠絲（Tracy），相信大家一定會接受在電視圈嘅Lindylicious。我喺有限嘅資源入面盡咗最大嘅努力，希望大家會喜歡我嘅演出。」
【其他閱讀】：
《殘酷一叮》參賽者近況｜扮聲達人發福登台狂掘金 莫生大個走樣歌手夢碎
全城一叮｜性感「人肉風火輪」黃瀅仴演過《愛回家》 IG泳裝相曝光晒S身段
一文睇晒TVB台慶月強陣 陳瀅《美麗戰場》露背登場林敏驄二撇雞造型現身處女劇
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應