陳豪直認與陳茵媺同框演出唔舒服 變大隻佬竟然同老婆無關

陳豪和陳茵媺結婚九年並誕下二子一女，一家五口的生活十分美滿幸福，加上陳豪對老婆疼愛有加，是出了名的愛妻號，實在令不少人所羨慕。

陳茵媺新look all back剷青好霸氣！

着拖鞋仲有啲麻甩味。

陳茵媺手上還有假紋身。

陳茵媺還大騷小蠻腰。

雖然已經生咗三個，但陳茵媺依然好fit！

陳茵媺與老公陳豪夫妻檔拍新劇。

陳茵媺早前一直keep住長髮。

陳豪好注重健康。

好受觀眾歡迎。

陳茵媺在2013年拍完《單戀雙城》便淡出幕前，主力照顧家庭，直到上月終於復出拍新劇《羅密歐與祝英台》，今次與老公陳豪以夫妻檔上場。日前陳豪出席健康品牌活動，談到與太太相隔多年再同框演出，陳豪笑言有點「唔舒服」：「未試過用演戲身份對待大家，就算《天梯》時合作都唔係直接對手，所以喺銀幕上呢種嘅角色同面對，呢種相處，我哋都要適應吓，但都OK嘅！」提到陳茵媺濶別熒幕10年，陳豪透露太太亦有不習慣：「今次佢嘅挑戰好大，10年冇拍劇、好多劇本、好多rundown、好多對白需要出力記，另外同我一齊拍，亦係一個挑戰。」對於太太在劇中剷青的霸氣造型，陳豪就發揮「愛妻號」本色指：「我係欣賞嘅，今次佢角色女扮男裝，對佢係幾好挑戰，令人眼前一亮。」

向來予人健康之感的陳豪，與太太跟同樣注重健康和飲食，他更大讚太太對小朋友的飲食餐單、均衡營養做得非常出色，不過問到他何時開始意會到對健康注重？陳豪竟表示自跟張繼聰合作拍攝劇集《誇世代》時：「嗰陣見到張繼聰練到一身肌肉，於是向佢請教，自己開始做gym，但方法及飲食全部都唔正確，經佢介紹後，再次健身，原來想要再大啲嘅肌肉，除咗研究健身方向，要再注重飲食、餐單配合，亦因為咁開始注重營養問題，就係呢一個開始，令自己對健身、對心臟健康、內臟健康嘅注重。」

【相關閱讀】

美麗戰場丨蔣家旻姣爆陰險角色睇到觀眾「嬲到震」 網民期待賤招繼續登場

王馨平逐漸長肉回復昔日靚樣     貼地自爆放公眾假期好開心

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ