TVB御用中風王潘志文睇書研究點中風 曾演楚留香播出前收律師信
2022-10-02 21:00 
從影超過50年、人稱「潘翁」的潘志文在2013年回流返港後，因劇集《再創世紀》、《以和為貴》、《幕後玩家》及《EU超時任務》等飾演中風角色，結果被外間封為「御用中風王」，作為一個演員，難得作品有觀眾受落，當然是最開心事，潘志文日前接受楊紹鴻、文頌嫻為港台主持《一起走過》的訪問，雖然演繹中風角色有一定難度，不過一點都不介意繼續再演：「呢類角色唔係易撈，瞓喺度都要講對白，仲有各種唔同嘅中風，有啲講嘢唔清楚、歪嘴、單單哋眼、流口水。都係咁啱編審、編劇寫開呢啲橋段，覺得觀眾會受落，我呢兩年演中風戲之後，係好多中風戲出現，有時啲戲鍾意講植物人角色。」
【點擊睇「御用中風王」精彩演出】
潘志文又稱他不介意再演，反正即使不中風，有些角色都要死：「如果有第5、6次中風角色，到時我都會諗吓點樣中風。」其實潘志文都曾講過扮中風都有一定難度，基本上有很多不同的層次，又不可以千篇一律，所以演出之前都要做準備功夫，看一看相關書籍，再研究真實個案，融入思想後，到演出的時候就會很容易投入。
今年72歲的潘志文於1967年入行，做過播音員的他在馮淬帆賞識下加入TVB劇集《變》擔正男主角，其後憑香港電視劇集《小時候》、《獅子山下》走紅，加盟亞視後更成為電視劇一哥，在經典長劇《鱷魚淚》、《變色龍》、《新變色龍》及《大地恩情》等都擔綱演出。當年他和鄭少秋同樣飾演「楚留香」，但由於《楚留香》的劇名被TVB搶先購下，但開播前卻收到無綫的律師信，他說：「我都唔係好願，鄭少秋其實係我偶像，亦冇諗過要鬥，佢拍古裝做大俠真係無得頂，你叫我同佢打對台梗係唔想啦。」
【相關閱讀】
76歲夏雨白髮蒼蒼現老態上郵輪歐遊 淡出多年變影視公司行政總監
38歲楊秀惠約人妻姊妹慶生 39歲李思欣超凍齡皮膚緊緻似學生
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應