獨家丨露雲娜最Like欣宜公開呼籲想合唱 十月開騷歐信希狂讚軒公求合作

露雲娜（Rowena）與歐信希將於10月11日在文化中心舉行《深愛著你演唱會》，順道祝賀兩人所屬嘅風行唱片公司成立57周年。這對師姐弟在互相監察下齊齊減磅，到時會鬥跳勁舞兼唱出代表作如《荳芽夢》及《默默向上游》等。Rowena更忽發奇想，有意跟同等身形及同聲同氣的鄭欣宜鬥唱鬥跳，而歐信希就想同張敬軒合唱。採訪：方騫平 攝影：羅安強 場地：富衛881公館

露雲娜與歐信希兩師姐弟好有默契。

師姐弟在互相監察下齊齊減磅。

歌迷反應熱烈，露雲娜及歐信希決定再合體演出。

兩人於《深愛著你演唱會》中會唱出代表作如《雨中 Shalala》等。

今年中秋節，兩人去咗風行唱片老闆Mimi屋企做節，如一家人。

去年10月舉行完《風行的音樂永續演唱會》後，歌迷反映話唔夠喉，加上咁啱10月有檔期，露雲娜及歐信希決定再合體演出，喜歡唱實體騷的Rowena表示相當期待，更強調減咗肥後想郁多啲，大跳勁舞冇難度，而減咗40磅的歐信希到時會着少啲方便晒線條。

Rowena話大跳勁舞冇難度。

減咗40磅的歐信希到時會着少啲方便晒線條。

李樂詩係表演嘉賓。

露雲娜及歐信希影演唱會宣傳海報。

歐信希成功減咗40磅。

露雲娜努力排練演唱會。

歐信希綵排演唱會同時推出新歌《神挑合侶》。

當年賈思樂跟露雲娜係金童玉女。

唱歌湊仔變成搖籃曲

Rowena於1968年以5歲之齡入行唱歌，在歌壇54年，她形容生命好奇妙：「我真係好鍾意音樂，好鍾意唱歌，當年會唱住歌湊仔，演變成兒子嘅搖籃曲，囝囝長大後就做咗我忠粉，佢識唱我啲中文歌㗎，雖然好有天份，但就怕醜唔敢上台唱。」對於時下樂壇有咁多新力軍，Rowena最Like馮允謙及鄭欣宜；歐信希最愛係林家謙及唔算係新力軍，卻扶掖唔少新人的張敬軒。

露雲娜入行45年。

Rowena老公、囝囝(前夫所生)及媽咪都係佢忠粉。

Rowena搵咗年輕時的偶像賈思樂做嘉賓。

Rowena尤其想跟宜欣喺台上鬥跳鬥唱：「我哋都係細細個出道，連身形都差唔多，又係英文人真係啱晒嘴形，合作到都幾得意。我見到佢經歷過高高低低，仍然好努力係咁唱，同佢交流應該都會學到嘢。」歐信希最想同張敬軒合唱，大讚軒公唱歌好又夠多元化，同咩人合作都可以。

露雲娜與歐信希都like鄭欣宜及軒公。

歐信希收埋當年跟張國榮的絕密合照。

12年前露雲娜與陳奕迅合唱鬥歌藝，引發當時退歌壇嘅露雲娜再出山。

露雲娜仍有唔少忠粉。

風行唱片老闆Mimi陪兩人往電視城影《勁歌金曲》。

歐信希近日抽空拍新歌MV。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ