J.Arie雷深如考車牌歷時15年 網民憂成公路炸彈：你不如搭的士啦

歌手J.Arie（雷深如）是位高材生，畢業於香港大學法律學院，而且很有音樂天份，中三已擁有八級鋼琴底子。但近日她於社交網自爆：「喺考完車牌但冇揸過車之下，甩P好感動。由18歲考完筆試再考路試，考咗11年，2019年終於考到車牌。而家2022年再終於攞到正式10年車牌，經歷咗15年！人生有幾多個15年，好滾動！！！接住落嚟……大家出街睇路啦！」有網民驚訝，J.Arie身為高材生竟然考個車牌都用咗咁多年時間，更關心她到底是相隔多年再考車牌，還是不間斷地考車牌。

【點擊睇網民得知J.Arie甩P牌反應】：

J.Arie身為高材生，但睇嚟對於揸車嘅天份唔高噃……

J.Arie宣佈佢已經甩咗P牌，仲提大家出街要睇路！

J.Arie仲要係考自動波……

網民表示擔心，仲建議J.Arie不如都係搭的士。

有網民好認真勸J.Arie唔好揸車出街。

J.Arie都明白大家好擔心佢真係會揸車出街，於是她於FB發文派定心丸。

J.Arie近年形象大解放。

J.Arie不怕上節目大談性事。

J.Arie連出歌都好大膽。

對於J.Arie成功甩P牌，網民有以下感想：「唔係講笑，你不如搭的士喇」、「有無每天行程更新……可盡量避免同區」、「考到果刻，教車師傅喊出嚟，11年熟客仔無咗」、「自動波私家車考11年係咩概念」、「資深經驗考牌家」、「11年……讀幾個Degree都得啦」。J.Arie見大家咁擔心，亦於社交網再發文派定心丸：「睇嚟大家好關心我成為公路炸彈，討論已經去到我冇揸車天份、考咗幾多次、用咗幾多錢、係咪同一個考官等等。其實我而家車又冇、樓又冇，爛命一條。主力做吓歌、唱兩咀、揾兩餐飯食㗎咋，所以唔使太擔心我遺禍人間。」

 

【其他文章】：

港姐2022邢慧敏大熱倒灶！盤點爆紅落選港姐 呢位退選後變亞洲女神

盤點台慶劇老是常出現藝人！第1位被摑近100巴超誇張 4人榮升視帝視后

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ