TVB台慶亮燈丨汪明荃新節目今晚播！親身落區見街坊惹師奶尖叫：我偶像呀！
2022-09-26 19:00 
無綫55周年，推出多個新綜藝節目迎接台慶，每年都站在最前的「鎮台之寶」汪明荃也有新節目《星光匯聚成翡翠》，更為台慶月綜藝節目打頭陣。節目介紹在無綫多年的經典人和事，除汪明荃外，還有羅蘭、薛家燕、鄧英敏等無綫經典人物現身，節目今晚10時30分開始播出。
【點擊睇《星光匯聚成翡翠》預告】：
《星光匯聚成翡翠》預告片，最先見到汪阿姐昔日得片段，之後有訪問鄧英敏、羅蘭等人，並有多段無綫的經典綜藝節目或戲劇節目片段，包括「阿燦」廖偉雄食漢堡包、吳鎮宇扮「皇妃超人」等，又有採訪薛家燕的多年粉絲。而汪阿姐在節目中更落街市親身接觸觀眾，有粉絲更即場拿出她的照片讓她簽名。
【相關閱讀】：TVB台慶亮燈｜曾志偉重返TVB任總經理最掛心三事：回歸、港姐、台慶
亮燈儀式上，陸浩明介紹阿姐出場說：「無綫55周年，打頭陣當然係我哋鎮台之寶汪明荃，阿姐！」汪阿姐則表示：「台慶我做咗好多年，但今日見到都好感動，見到好多熟悉嘅同事，亦都有好多新力軍加盟，人才濟濟；第二大家都好全心投入做呢件事，感到非常開心。」
阿姐隨後介紹新節目《星光匯聚成翡翠》：「將無綫55年來的經典場面或人物展現畀大家睇，我第一次落街見fans、觀眾，聽佢哋意見，都幾感動，佢哋都好熱情。」陸浩明問汪阿姐有否在節目分享難忘事，汪阿姐就笑說：「我諗都有嘅，五集咁多，你慢慢睇啦。」陸浩明即好醒目地賣廣告：「我唔係慢慢睇，我係慢慢重覆咁睇，再上返網睇。」
【相闗閱讀】：
TVB台慶亮燈丨出爐港姐冠軍林鈺洧陪主席許濤亮燈 忙足一晚未見倦容心情靚
TVB台慶亮燈丨林敏驄處男劇《下流上車族》二撇雞造型曝光！終於唔玩無厘頭台慶月播出
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應