獨家丨林明禎自爆大馬住慣幾千呎豪宅 狂拍廣告儲兩年錢在港買大屋

2022-09-23 06:30
明禎最近密密接廣告,被封為「廣告女王」。
明禎最近密密接廣告,被封為「廣告女王」。

「大馬女神」林明禎近年憑靚樣好身材,已接拍近10個不同類型廣告,被捧「廣告女王」的明禎,最近再有吸金機會,首度幫食肆拍廣告,食住小籠包和拉麵大賣甜笑。一直想在香港買樓的她,雖然口密唔公開吸金能力,但承認目標要買大屋,更唔覺意自爆在大馬家鄉住慣幾千呎豪宅。採訪杜 攝影:朱偉彥 場地:翡翠拉麵小籠包

着住貼身紫色連身裙大晒fit爆身材的明禎,齋甜笑已經好吸引。
着住貼身紫色連身裙大晒fit爆身材的明禎,齋甜笑已經好吸引。
明禎扮同朋友聚會,睇佢演得幾投入。
明禎扮同朋友聚會,睇佢演得幾投入。

明禎話本身同屋企人都是小籠包粉絲,平日在家鄉已經常食,今次拍廣告更加可以放縱任食,而出名鍾意食咖喱魚蛋的她,更向師傅建議新口味的小籠包,「頭先我同師傅講,佢整嘅小籠包好味又好靚,所以建議佢放啲咖喱魚蛋,或者咖喱魚蛋嘅汁落去試吓,嗰種味叫明禎小籠包,我諗一定會好多人食囉!」追問她當時還大膽話如果師傅肯整,可以免費幫手宣傳,佢即尷尬笑話:「如果佢真係整個明禎小籠包嘅話,我會考慮嘅,90%冇問題。」

明禎是小籠包迷,睇佢揸筷子可以夾唔穿就知食慣。
明禎是小籠包迷,睇佢揸筷子可以夾唔穿就知食慣。
為食的明禎,見到碗麵竟然忍唔住偷食。
為食的明禎,見到碗麵竟然忍唔住偷食。

未夠膽唱廣東歌

一直恨在香港置業的明禎,拍埋呢個廣告應該距離香港「上車」又近一步,「我沒有算錢,還不敢算,今年結束才好好計算一下,我夢想買好大間屋,但𠵱家仲未會買住,因為自己仲有好多時間可以賺錢,想再畀自己多兩年時間賺錢,睇吓我嘅業績去到邊度。」不過明禎承認因為馬來西亞住幾千呎豪宅,所以要買就買大屋,「我想前面睇到海,背後有山,我媽媽應會好鍾意,因為馬來西亞地方好大,我哋屋企都好大間,所以我嘅屋企人都習慣咗。」

明禎話大馬屋企大,真係唔係講笑,在花園做瑜伽零阻礙。
明禎話大馬屋企大,真係唔係講笑,在花園做瑜伽零阻礙。
呢個角度再睇,明禎大馬屋企花園瞓咁多人仲有好多空間。
呢個角度再睇,明禎大馬屋企花園瞓咁多人仲有好多空間。
明禎一家在大廳同細佬慶祝生日,睇到有埋車房泊車。
明禎一家在大廳同細佬慶祝生日,睇到有埋車房泊車。

早前明禎離開香港到台灣,原來是為了明年初推出的首支單曲做準備,「我希望有一個自己嘅作品可以同大家見面,𠵱家都努力緊做一首歌。」廣東話愈來愈好的她,有冇機會推出廣東話?她即好無奈咁話,「面對面嘅時候大家都話『你嘅廣東話好好,聽得明』,但背後都會話佢講緊乜呀?哈哈!所以我唔知道我嘅廣東話到底係點樣,但如果唱歌嘅話,廣東話真係唔係講笑,一定要好正,所以𠵱家都唔係好有信心,因為我唔要唱好笑嘅歌,我要認真嘅歌。」

明禎真係咩角度都咁好睇。
明禎真係咩角度都咁好睇。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ

關鍵字

最新回應

關鍵字

相關新聞

熱門文章