獨家丨舊愛何超雲傳結婚 王大業有拍拖3年Model女友服侍周到
2022-09-22 07:00Video Player is loading.
This is a modal window.
The media could not be loaded, either because the server or network failed or because the format is not supported.
已故賭王何鴻燊三房千金何超雲，近日成為新聞人物，有傳佢答應拍拖7個月，任職消防隊長的圈外男友Douglas求婚，確實結婚日期尚未公佈，而何家人亦一律封口未有回應。2010年曾跟超雲拍拖，有皮草太子爺之稱的王大業（Andy）仍活躍於名人界，跟曾拍戲的Model女友Louisa 拍拖3年，之前《頭條日報》就影到女方陪男方試鞋，仲主動遞上酒精搓手液畀男友，好體貼喎。採訪:娛樂組
回一回帶先，2010年，何超雲喺已成歷史的珍寶海鮮舫筵開五席慶祝21歲生日，當夜仲拖住大佢九年的王大業現身，高調承認戀情，不過兩人拍拖未夠一年就分手，有傳當年賭王覺得男方唔識做人而麻麻哋佢，所以超雲最終將王大業降回朋友關係，野史嘅嘢真係信不信由你。
有傳超雲好事近。
當年超雲開生日宴，帶埋王大業現身公告戀情。
雖然拍拖一年唔夠但經常孖住出席活動。
當年男方個嘴唇好乾。
有傳男方唔識做人而同超雲分開。
女友好體貼
講返王大業，同Model女友Louisa 拍拖3年相當穩定，從男方IG都偶然見到女友蹤影，反而女方IG就極少見到Andy。日前晚上7時，兩人到銅鑼灣利園附近名店睇波鞋，見男方行勻全間舖逐對鞋拎上手睇，女友就坐埋一邊，見男友試鞋又會畀意見，女友坐得耐又會企吓，Andy揀足一個鐘拎住戰利品離開，一出門口女友即遞上酒精搓手液畀男友，然後再陪男友除口罩食煙，雖然眼神唔多鍾意但無話詐型，呢啲女友可以做老婆啦。
王大業睇鞋都有問女友意見。
見佢係咁試鞋。
女友唔係成程坐，都有貼身陪住畀意見。
女友好識做，一出門口即拎搓手液畀王大業。
除陪買鞋又陪食煙，雖然眼神唔多Like。
買完鞋再拖住手繼續行街。
王大業係潮人，成個IG都係PO新款產品。
女方IG唔多見男友影蹤，偶然喺STORY先見到一張。
男方就會上載同女友慶生相。
Louisa同呂慧儀等好老友，男友都會Join埋一齊慶祝女友生日。
Louisa做咗好多年Model。
Louisa雖然淡出Model界但身材都無走樣。
做過Model擺甫士都唔同啲。
《絕種好男人》入面，Louisa(右一)飾演黃浩然一腳踏三船女友之一。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
關鍵字
最新回應