獨家丨顏卓靈經常崩潰爆喊嚇親吳海昕 小齊拎牛肉刀教戲蘇麗珊遇邪嘢

2022-09-20 07:00
顏卓靈喺新片《失衡凶間》中經常崩潰爆喊,嚇親吳海昕。
顏卓靈喺新片《失衡凶間》中經常崩潰爆喊,嚇親吳海昕。

驚慄片《失衡凶間》結合3個詭異短篇故事《死場》、《唐樓》及《暗角》,其中以顏卓靈在《暗角》中角色最陰暗,經常崩潰爆喊,相當痛苦,不過坦言作為演員就係鍾意犯賤。吳海昕認為順帶發洩個人情緒會好啲,她又力證顏卓靈真係好入戲,配音時睇到對方演出被嚇親;至於蘇麗珊試戲時就遇到啲邪嘢,覺得好靈異。採訪:方騫平

吳海昕(左起)、顏卓靈、蘇麗珊於新片《失衡凶間》中各有發揮。
吳海昕(左起)、顏卓靈、蘇麗珊於新片《失衡凶間》中各有發揮。
吳海昕、蘇麗珊、顏卓靈談拍攝花絮。
吳海昕、蘇麗珊、顏卓靈談拍攝花絮。
顏卓靈形容每個人心中都會有隻怪獸。
顏卓靈形容每個人心中都會有隻怪獸。
蘇麗珊拍《失衡凶間》遇邪嘢。
蘇麗珊拍《失衡凶間》遇邪嘢。
吳海昕認為拍戲順帶發洩個人情緒會好啲。
吳海昕認為拍戲順帶發洩個人情緒會好啲。
顏卓靈坦言作為演員就係鍾意犯賤。
顏卓靈坦言作為演員就係鍾意犯賤。
吳海昕片中情緒轉變好大。
吳海昕片中情緒轉變好大。
蘇麗珊好愛演戲。
蘇麗珊好愛演戲。

顏卓靈在《暗角》中飾演歌手,由於讀書時目睹墮樓者死不暝目造成心理陰影,長大後開始懷疑人生,內心出現好多鬥爭,尤其講到要還原經歷時,變得相當痛苦,但演得過癮,對她來說是一個突破:「其實每個人都有黑暗一面,好似有隻怪獸喺身咁,人性共通點係有善惡,唔攞出嚟講唔代表冇,睇吓點樣去處理,單純善良就唔會有戲劇。」

顏卓靈演情緒病人,有大量爆喊鏡頭。
顏卓靈演情緒病人,有大量爆喊鏡頭。
日前《唐樓》導演馮志強率顏卓靈及植詠珊到戲院謝票。
日前《唐樓》導演馮志強率顏卓靈及植詠珊到戲院謝票。
片中阿旦幫她捉「鬼」。
片中阿旦幫她捉「鬼」。
不停爆喊好崩潰。
不停爆喊好崩潰。
開始懷疑人生。
開始懷疑人生。

小齊演惡形惡相江湖大佬

吳海昕喺《唐樓》中演一位有神經質嘅小說家,所以不時會「跳掣」,情緒轉變好大,上一秒好惡下一秒就喪喊,而且要一鏡頭尾,好有發揮:「好彩有小齊(任賢齊)呢個好好嘅對手,及導演團隊令我加添咗信心,尤其同偶像小齊合作,好記佢見我有啲緊張,就行埋嚟提點我『有時拍恐怖戲唔使諗得太多,因為現場環境經已好得人驚,不如做少啲。』佢真係一位好照顧人嘅前輩,最搞笑當時小齊係做緊惡形惡相嘅江湖大佬,佢攞住把刀行過嚟教我,同佢扮相有好大反差。」

吳海昕做神經質作家,行為怪異。
吳海昕做神經質作家,行為怪異。
小齊做江湖大佬,手持牛肉刀演出。
小齊做江湖大佬,手持牛肉刀演出。
戲中小齊係唐樓租客,同吳海昕有對手戲。
戲中小齊係唐樓租客,同吳海昕有對手戲。

另外,蘇麗珊於《死場》中做專爆人內幕嘅KOL,不停去商場做直播,期間發生唔少靈異事件。除咗要應付好長嘅對白外,掌握情緒都要明快,她表示拍攝期間發生一段小插曲:「原先陳果導演想我分飾埋孖生姐姐,當晚我喺屋企練吓講啲好有仇恨性嘅對白時,枱燈無啦啦唔正常咁閃,最後因為拍攝問題分唔到身做埋家姐角色,諗返唔知係咪個天有暗示。」

蘇麗珊演KOL,喺商場直播時遇上靈異事件。
蘇麗珊演KOL,喺商場直播時遇上靈異事件。
片中有好多長對白。
片中有好多長對白。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ

關鍵字

最新回應

關鍵字

相關新聞

熱門文章