巴士乘客入20蚊紙卡錢箱口 司機要求入返好遭拒獲網民力撐

搭巴士要付費人人都知，相信連小學生都知車資可以用八達通嘟卡，或者將現金放進錢箱。但遇上無理及不合作乘客，車長無奈之餘，最慘是連累全車人。

有網民早前在社交網發文，指乘搭往屯門方向的過海城巴962X線時，因為有人將一張20元紙幣及共值1.8元的硬幣繳付車資，唯未有妥當放入錢箱，只放在錢箱插口，錢未有跌入箱內，車長見狀立即將車停下，並走上層，要求該名乘客將錢入落錢箱，「司機話佢張$20放（錢箱）上面，唔叫入咗，叫佢落嚟入返，佢唔肯」，但被對方拒絕。

該網民指「司機嘅態度好好，係個客唔理佢」，司機無奈下只好報警處理。最慘是連累整車乘客被迫一同等候警方到場，及等待巴士公司安排「過車」。事件終擾攘了約40分鐘，所有乘客才能「過車」，不過重新洗牌後，原本有座位的就變成要「罰企」入屯門，大呻無辜。

不過事件中，大部分網民都力撐司機無做錯，指其行為旨在履行職責及保障自己，「無論如何，坐車唔俾錢都係唔啱㗎啦」、「因為個客玩嘢要個車長承擔盜竊罪名更加不值」、「係未正式將車費完整投入錢幣箱裏面」、「車長基於要保持返自己嘅行為免遭嫌疑，當務之際即使佢唔選擇報警，都要第一時間報返上台，再由公司決定點樣處理成件事」。

不過亦有人認為司機將小事化大，變相阻礙整車乘客，「為左咁少事情，浪費警力，又影響到全車乘客，如果一人讓一步，就唔會發生咁既事情，真心覺得司機同果位乘客同樣都有問題」，「為了張20元去報警，我覺得很不值得」，「小事化大，如果車長覺得乘客有問題，點解唔即時講，要等人地上咗去，坐低埋然後再停車上去講......」。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ