Juicy叮｜食客嫌中秋公仔餅太硬斥麵包店無良心 網民反駁：唔係攞嚟食嘅
2022-09-12 14:48 
中秋節除了食月餅外，也有人會進食「公仔餅」又稱「豬仔餅」、「豬籠餅」，早年社會物質不算富裕的背景下，將製作月餅時用來做餅皮所剩下的材料物盡其用。有網民趁中秋在元朗一麵包店買了4個公仔餅，盛惠24元，但聲言「何以好似食蟹咁才咬得到，叫人點食？」不滿公仔餅太硬食唔落，又批評老闆做生意的良心何在，堅決表示「 無下次」。但有網民睇完就反駁「公仔餅唔係食架，係拜月光用」，覺得當事人捉錯用神。
在facebook群組「食在元朗」中，有網民發帖文指在區內一間麵包店買下4個公仔餅，造型有獅子和金魚。惟當事人形容，食落硬到似食蟹。對此有網民解釋，「呢啲通常攞嚟拜神㗎嘛，乾身啲咪冇咁易發毛（霉）囉，通常用黎（嚟）放喺神枱差唔多成個月。」有網民亦指「上世纪豬仔餅係用嚟擺好少食」、「做乾硬啲襟放冇咁易發霉」、「不是食架，拜月光用架」。
有網民更發現內地網購平台亦有公仔餅出售，接近20元人民幣一個，造型與當事人買的完全一樣。有網民不認同當事人說法，「公仔餅不嬲都係硬哦。無牙力就唔好買啦！」
帖文轉自facebook群組「食在元朗」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應