獨家丨直擊湯怡預祝麥秋成43歲牛一撇低囡囡著火辣貼身短裙西貢Staycation

2022-09-12 14:30

湯怡（Kathy）與麥秋成去年初奉子成婚，囡囡麥QQ（麥紫喬）於6月出世，轉眼間已經一歲3個月大，一家三口相當幸福。本月18日係麥秋成的43歲牛一，今日早上兩公婆著晒情侶黑衫現身西貢WM酒店，但未見愛女麥QQ同行，估計湯怡為老公提前慶生，嚟一次浪漫睇海staycation，唔知麥QQ有無機會多個細佬妹呢？

酒店職員幫兩人處理行李。

兩個人有大堆行李。

麥秋成好忙。

湯怡負責睇住老公拎行李。

成個車尾廂都係行李。

湯怡喺酒店大堂掛住撳電話。

據目擊者透露，身穿黑色背心裙踼拖嘅湯怡，襯埋老公黑色背心及短褲，好有渡假feel。抵達後老公主動去車尾廂拎行李，就算「升呢」做咗「索媽」嘅湯怡仍然enjoy做「港女」，企埋一邊玩手機。

兩公婆表現得恩愛癡纏。

不時製造驚喜。

於於西貢的度假式酒店WM hotel去年8月1日正式開幕，鄰近西貢海濱，裝修走簡約自然路線，大量落地玻璃設計，邊個角度都望到無敵大海景；樓高5層，約有260間客房，部份房型更擁有海景私人花園、露天浴池及海景露台等！酒店設備亦完善，擁有5間海景餐廳，最吸引當然係頂樓的無邊際泳池，情侶喺日落下嬉水，相當浪漫，所以成為港人最新打卡酒店，港姐亦曾在酒店拍外景，MIRROR成員Anson Lo亦在酒店拍攝過《Megahit 》的Dance Version MV，好多神徒都曾入住打卡放上網，普通房價格約2000元以上。