歐霸｜C朗馬古尼正選即輸魔迷鬧爆VAR

2022-09-09 08:04

周四歐霸E組，曼聯兩大星將C朗拿度和馬古尼復任正選，但球隊因一球極刑，立即主場0：1敗予皇家蘇斯達，斷球隊連勝走勢，似乎腳頭不好。不過，魔迷將矛頭指向VAR，指十二碼有爭議。

曼聯領隊坦哈格今場作出輪換，近期淪為後備的兩位球星C朗拿度和馬古尼，齊齊復任正選，新兵卡斯米路亦首次正選。三十五分鐘，C朗接應傳中頭槌頂入，但因越位在先食詐胡，半場0：0。五十九分鐘，大衛施華遠射，利辛度馬天尼斯飛身攔截，皮球先中其腳，再彈上其手部，球證直指十二碼，VAR覆核後亦維持原判，終由巴斯文迪斯操刀射入，最終皇蘇1：0擊敗紅魔。英女皇伊利沙伯二世離世的消息於賽前兩小時公布，故賽前有默哀儀式，而賽後紅魔亦取消所有記者會。

C朗和馬古尼回歸正選，即令球隊四連勝走勢告終，看來腳頭麻麻。不過，球迷賽後則集中攻擊VAR，斥該記十二碼有爭議性，有網民直斥：「皇蘇偷走了勝利。」亦有網民表示：「要為馬天尼斯伸冤。」

立即下載 | 全新《星島頭條》APP : https://bit.ly/3yLrgYZ