代病危親戚拒心外壓醫院以為放棄急救 家屬：如果答錯可能見唔到
2022-09-05 15:05 
疫情嚴峻下入院人數大增，有網民就講述，代一名染疫病危的九旬親戚，因風險問題拒絕心外壓急救，結果醫院理解成完全拒絕急救，幸好之後醫院打電話通知，事主才急忙澄清，她猶有餘悸：「如果當日我一不留神答錯，可能已經不能再見！」，提醒病人家屬要注意對答。
網民在「親子王國」討論區發文，早前她的大伯確診入院，因無兒女所以她是緊急聯絡人和直系親屬。大伯入院時有發燒、心臟和肺有問題，神志不清，醫生形容情況嚴重，有生命危險，所以通知親屬見面。
事主指，當時醫生說：「你伯都九十幾歲人，現在好危險，如果佢心臟衰竭停嘅話仲做唔做心外壓急救？因為佢咁老骨脆做心外壓好大可能會斷胸骨，有機會插到肺，同埋咁老做完都可能唔捱得幾耐，可能捱多幾日唔定。」事主於是回答：「如果心外壓做完斷骨機會大又令佢更痛苦又救返嗰刻都係多幾日，咁唔好要佢咁辛苦唔好做啦！」
當晚事主的大伯病情惡化需要注射強心針及加重藥物劑量，之後情況好轉，但仍然神志不清。翌日醫院來電：「你大伯血壓下降病情又惡化，幾嚴重，你昨天說不急救，叫埋最親嘅嚟睇吓佢啦」。事主當場大驚回答：「等等，我冇話唔做急救，我只係話唔做心外壓之類會引致斷骨危險又痛苦嘅急救，唔好亂講，打強心針、藥物治療呢啲唔傷身急救一樣要做，立即同佢做。」院方聽到才回應知道，並再加大藥力。
之後事主的大伯情況開始慢慢好轉，恢復清醒後住了十多日，病毒量低可以出院回家。事主仍然猶有餘悸：「由二月病發後好返，到現在我大伯都精精神神，如果當日我一不留神答錯，可能已經不能再見！」
有網民留言指，「差一啲就........好彩你當時清醒清晰無比。真係要同啲醫護明確、清晰溝通！多謝分享及提點，真係同意及唔同意都要清楚表明，唔怕囉嗦。真係會救返條命！」、「似乎是如果不是樓主堅持，佢大伯連針都冇得打，可能已經不在人世了。我相信樓主出呢個post 係提醒網友在做預設醫療指示時要加倍留意，好心提醒吧。」
但亦有人質疑不急救並非完全不醫治病人，「咪傻啦，基本上唔急救只代表 ：透唔到氣都唔插喉，唔駁呼吸機，但氧氣一定唔會慳，有幾盡畀幾盡。及所有藥物治療照畀，例如血壓低就畀强心藥，水腫就畀去水藥，缺電解物就畀電解物，抽筋就畀鎮靜藥，有細菌就畀抗生素，有痰塞住就幫病人抽痰，餘下睇病人造化。但絶對有例外，不少病人自己一早落定order，食唔到嘢唔可以插我胃喉，揾唔到血管打針抽血唔可以再拮我之類。」
帖文轉載「親子王國」討論區
最新回應