Juicy叮｜買外賣踩單車上行人路被警捕獲 市民：500蚊一碗麵
2022-08-28 18:33 
自從疫情爆發不少人習慣買外賣，街上常見到外賣員駕駛單車在行人路及馬路上穿插。不過有網民在facebook群組「食在元朗」稱今早踩單車去在元朗建德街某食肆買外賣沙爹牛肉麵，結果被埋伏的警員捕獲，「承惠加$500，行人路踩單車，係我衰，無下次。」他又稱，「第一次，自己咁大個人未試過，罰款喺要去法庭。」
有網民指，「呢幾日都見到拉好多單車踩上行人路」、「仲以為無人捉，事關大把XXXX成日係行人路踩單車。」。不過也有人當事人讚好當事人分享經歷，「我反而欣賞你肯講出來同大家分享 ， 最緊要知道係自己錯而唔係話人哋好去告你 ，因爲平日真係有太多單車橫衝直撞對途人產生危險」。
也有網民曾經因為行人路上有人踩單車而受傷，有人指「我會（投訴），我試過避單車，仆倒手肘骨裂咗...」、「我試過，我已經避佢，但條友應該踩單車好渣，佢直接撞落我度，我小腿流血，佢直接走咗 ，超慘，係啲10幾歲男仔」
根據運輸署《道路使用者守則》，市民不可在行人路上騎單車。如在路上有單車徑或單車線，定要使用這些地方騎單車。如需停車或休息，不可在單車徑上停留。警方提醒市民，如沒有明顯需要而在行人路上踩單車，有機會觸犯《簡易程序治罪條例》第4(8)條，一經定罪，可被判處罰款500元或監禁3個月。
警方又提醒所有騎單車人士遵守交通規例，市民切勿在行人路上騎單車，否則或違反《道路交通條例》第374章及其他相關法例。
圖片轉自facebook群組「食在元朗」
立即下載｜全新《星島頭條》APP：https://bit.ly/3yLrgYZ
最新回應