許廷鏗造型師寸爆回應撞衫事件 稱對C AllStar完全無興趣

許廷鏗前晚（25日）為林家謙紅館個唱擔任嘉賓，但事後卻被網民發現，他與20日擔任林家謙紅館個唱嘉賓的C AllStar成員King（吳崇銘）疑撞衫，網民批評許廷鏗的造型師沒有做好功課，留意前幾晚嘉賓身穿甚麼衣服，事件成為網絡熱話。許廷鏗今日（27日）都大方於IG分享二人的卡通畫，明顯對事件一笑置之，並Tag阿King的IG留言表示：「其實撞衫又有咩好怕？」而阿King亦於IG限時動態分享同一幅卡通畫，似乎未有因撞衫而尷尬，更稱雖然撞外套，但內膽有唔同。

林家謙紅館個唱請咗好多歌手擔任嘉賓。

許廷鏗前晚（25日）為林家謙紅館個唱擔任嘉賓。

許廷鏗（左）被發現與20日才剛做完林家謙個唱嘉賓的C AllStar成員King撞衫。 ​

C AllStar的King（右一）同樣穿藍色外套登場，撞衫事件引起網民討論。

許廷鏗對於撞衫事件非常高EQ。

雖然兩位當事人不介意被比較，但許廷鏗的造型師則寸爆回應，引起網民關注，今日有網民於「連登討論區」上載許廷鏗造型師的IG截圖，該造型師稱：「我製造咗一個史詩級錯誤，Sorry，因為我對C AllStar完成無興趣，無聽佢哋嘅歌，更加唔會留意佢哋，亦都完全唔知佢哋係嘉賓，我依然覺得牙鏗（許廷鏗）着得好睇好多。」更指畫卡通畫的人有錯處，「你畫錯咗，牙鏗（許廷鏗）件恤衫係無扣鈕，同埋入面仲有件透視Tee。」而這位造型師的IG則設定為非公開，未知是否見發言引來批評而有此舉動。

許廷鏗嗰位事前冇做好功課的造型師，態度引來網民批評。 ​

對於此造型師的言論，不少網民都覺得沒有禮貌，「唔使Sorry，炒得啦」、「條友同許廷鏗有仇？」、「係咪有咩仇口？」、「個人咁都請……」更有網民批評此造型師的態度非常影響許廷鏗形象。

網民問個造型師係咪同許廷鏗有仇。

網民都覺得位造型師好寸吓……

網民關注許廷鏗（右）仲會唔會用呢位造型師。

立即下載 | 全新《星島頭條》APP : https://bit.ly/3yLrgYZ