Juicy叮｜雷暴下大媽堅持暢泳揚言「無做虧心事」 救生員無奈：救唔救你好

雷暴期間游泳有被雷擊的風險，但仍有人漠視生命危機。有救生員日前在社交群組撰文，指在泳池兼職工作期間遇上雷暴，但有「大媽」泳客堅持繼續暢泳，更揚言「無做虧心事，不怕畀雷劈」，令事主非常無奈。幸而泳池管理層不久後宣布關閉泳池，「大媽」只得離開。

事主在「奴工處」社交專頁提到，近日天氣陰晴不定，時有雷暴，他早前在泳池執勤期間，突發現天色漸黑並開始行雷，當時在池邊游泳的三位大媽，其中二人覺得危險，叫另一人一起離開：「喂！天黑晒啦⋯⋯要落雨，依家又行緊雷，不如走啦！」不過，對方卻不願上岸並說道：「我無做虧心事，唔怕畀雷劈！」事主形容聽罷直感無奈：「都唔知好嬲定好笑」、「如果你都係比雷劈中我都唔知救唔救你好」。幸而相隔數分鐘泳池因雷暴警告而宣布暫時關閉，他即二話不說禮貌地請該名大媽離開泳池。

不少網民形容大媽思維「奇特」：「唔怕俾雷劈同唔會俾雷劈有分別架。」「同佢講左就得...個雷一响我唔信佢唔走」。

資料來源：奴工處facebook專頁

立即下載 | 全新《星島頭條》APP ：https://bit.ly/3yLrgYZ