Jessica C不捨安志杰離家拍戲幾個月 拍片扁晒嘴又攬又拖好生離死別

當年有「警鐘胸」之稱嘅Jessica C.（JC）已經係一對仔女嘅媽媽，萬事以仔女為先，偶然先晒吓「陳年胸器」。身處美國嘅JC今日上載咗條片到IG，片中見到安志杰攬住老婆，而老婆一臉慘樣挨實老公，想喊想喊咁，然後安志杰鍚吓老婆，兩人又拖實隻手，段片仲有字幕，寫住，ME:I  Love You， HIM:I Love You，MEI'm Gonna Miss You（加慘Emoji）。

 

睇吓JC個樣，就嚟喊嘞。

見老婆咁慘錫啖呵返。

拖實手手。

臨出門前錫吓愛犬。

仔女送上車，囝囝都好唔捨得。

JC話會睇住屋企咁梗係你睇啦。

安志杰都有轉發老婆個慘慘PO。

 

究竟咩事咁慘呢，原來安志杰要去好遠嘅地方拍戲，仲要去幾個月，所以JC好不捨。上載PO後，老公有轉發，又回應老婆:Brb( be right back )，JC見到又覆返佢，yes please. we'll be here waiting. I'll hold down the fort while you're away.（我哋會喺屋企等你，你唔喺度我會守住屋企㗎嘞），唔知以為安志杰要去當兵，其實而家通訊咁方便，隨時都可以聯絡，摸唔到都可以視像見到，幾個月好快過啫。
 

JC一向感性，之前老婆同佢搞生日會佢都好感動。

JC又喊嘞。

JC父親月前離世，因為疫情飛機班次減少，搞到JC趕唔切見爸爸最後一面。

好可愛嘅一家人。

 

 

立即下載 | 全新《星島頭條》APP : https://bit.ly/3yLrgYZ