口罩小姐2022丨參賽者騎呢才藝表演射橡筋 疑似巨胸KOL令肥仔心心眼

ViuTV舉辦的另類選美《尾二一屆口罩小姐選舉》，昨晚（15日）首播，不過由於受MIRROR紅館演唱會意外影響，此節目近乎零宣傳，結果被網民及有份主持的ERROR fans炮轟。而昨晚播出的首集，主要是播出一眾參賽者面試爭取入圍的過程，當中出任評判的有ERROR 4子、強尼、Hailey、娟姐、岑珈其及上一屆口罩小姐冠軍「浩南」等等。其中ERROR 4人則被安排在台後透過電視睇女，若要開口問參賽者，則要先飲老鼠酒才可，認真搞笑。

 

首位參賽者出場啦。

 

KB（右起）、強尼及Hailey出任評判。

 

ERROR的吳保錡（左）及何啟華（阿Dee）在後台睇女。

 

當然仲有肥仔及193啦。

參賽者中大部份皆表演唱歌、跳舞，亦有人自彈自唱及打鼓等，雖然全部都戴上口罩，不過憑着閱女無數的郭嘉駿（193），單看雙眼已特別睇好某一、兩位參賽者，例如49號，193稱「齋睇」雙眼都夠吸引，此外，又讚61號的索女身材相當不錯。

 

193幾欣賞此參賽者，大讚她身形不錯。

 

表演打鼓的參賽者，社交平台有不少靚相。

 

呢位表演自彈自唱。

 

呢位都係自彈自唱。

 

不過，亦有參賽者表演「騎呢」才藝如棟篤笑、射橡筋及扮《少林足球》張栢芝又唱又跳，其中表演射橡筋的參賽者，有網民憑着她逼爆的上圍；指她正是早前亮相《戀講嘢》的KOL西童，雖然她落力表演，但最後被3位評判給兩個交叉一個圓圈而out走，梁業（肥仔）見狀立即卻衝出房間，似乎想力挽西童回來入圍。

 

呢位扮《少林足球》張栢芝又唱又跳，但其表演真係冇眼睇。

 

係呀，呢位被指是西童的參賽者，表演射橡筋。

 

西童早前亮相《戀講嘢》分享愛情史。

 

唔入圍的參賽者要即場除口罩。

 

Sorry，再見。

 

有機會下次再參加，不過都唔想有下一屆。

 

立即下載 | 全新《星島頭條》APP : https://bit.ly/3yLrgYZ