明日戰記丨古天樂親解宣傳爆喊之謎自言鋼鐵造即使跌低都即企返起身

2022-08-16 09:00

由古天樂主演及擔任總監制的電影《明日戰記》，成為第46屆香港國際電影節開幕電影，昨晚（15日）古仔與姜皓文及導演吳炫輝到尖沙咀出席電影節紅地毯儀式。

古仔透露早前離港16日到大陸為電影做宣傳，提到他在活動上講到希望大家不要令他覺得自已是孤獨一個人，古仔說：「我話喺呢個（電影）路上，而家隔離都企咗兩個人。」至於他曾表示入場看電影的人都是老婆，古仔解釋因為當日在直播時，看到留言的人全部都叫他做老公，所以他才笑指每個入場的人都是自己老婆。

《明日戰記》有多位影帝影后參演，將於本月25日在港上映。

台前幕後真係花咗好多心血去製作。

古仔（左起）昨晚跟導演及姜皓文一同現身。

現場市民見到古仔好興奮。

對於被指宣傳期間因感觸而流下男兒涙，古仔坦言若自己真的喊，大家應該會看到影片，他笑說：「嗰日我行戲院，佢哋冇開冷氣，熱到呢！」古仔坦言感觸當然會有，因為這部電影花了10年時間，並不是一件容易的事：「我覺得最緊要大家去支持，第二就係作為一套科幻片，無論係點都好，就算好成功，返去都係會檢討，因為永遠都會有進步空間，咁樣先會做得更加好。基於呢個大前提下，就算金錢多啲我覺得都應該，如果唔係我哋永遠學唔識呢件事。」古仔又希望大家可以觀看完電影後再給予評論。對於會為電影打多少分數，古仔表示不會為電影評分，因為他覺得好才會推出來：「但我都係補充一句，我覺得可以再好啲，但就需要每一次不停去學習，爭取到經驗先至會有進步。」

古天樂話佢唔係喊……係熱到要抹汗呀……

古仔（中）受訪時否認內地宣傳時落淚。

對於有不少藝人在網上聲援古仔的新戲，古仔坦言覺得感動，在旁的姜皓文說：「一定需要支持，除咗係古生嘅心血之外，亦都係香港電影一個新嘅里程碑。」問到古仔是否滿意內地票房成績？他說：「我呢，就用鋼鐵做嘅，我唔會跌低嘅，就算跌低我都即刻起返身，大家放心！」古仔又謂現在會專心在香港做好所有宣傳活動。古仔在離開時，停下來為在場fans簽名外，亦有與他們合照，表現相當親民，不過就因此被fans包圍搞到寸步難行。