Juicy叮｜每3日淘寶買日用品斥本地商家食水深 港女：洗咗唔少冤枉錢

疫情下港人熱愛網購，甚至在內地「淘」大型家電或食物來港。有港女日前在討論區發文，指自己懂得「淘寶」後，發現大部分本地商家「食水深」，慨嘆「俾人搵笨多年，年少無知，洗咗唔少冤枉錢」，指現時大部分日用品也會「淘」回港。不過，有網民則認為網購貨品質素參差，始終與本地購物有分別。

一名女網民日前在「親子王國討論區」發文，指自己以前會在本地的店鋪購買手機指環、保護套、充電線等物品，大約100元3件或5件，但其後懂得使用「淘寶」後，才發現貨物的價錢非常便宜，直指香港商家估計獲利300%或以上，形容他們「食水好深」，「俾人搵笨都唔知，年少無知，洗咗唔少冤枉錢，以後會醒少少‥最近先了解到香港店鋪係幾咁黑心，某程度上助長地產霸權」。

她指現時所有日用品，包括酒精棉片、濕紙巾、咖啡、口罩都會在內地「淘」回港，「除咗飲嘢食嘢，日用品（唔太重）其實可以淘，連運費起碼平香港一半」。

事主其後又分享自己購物心得，指自己每年在「淘寶」花費1萬元以下，每月上限500元，曾試過「淘寶」購買細樽裝酒精、髮型噴霧、電池、風筒，現時每3日網購1次，並用3天「簽到」減2元的優惠。她指自己「搵得唔多」，所以要懂得慳錢，「如果淘消耗品，用得著，都可以慳唔少」。

有網民留言指網購貨品質素參差，始終與本地購物有分別，但亦有人認為用「淘寶」購物節省不少，「講真，有很多貨品其實同香港貨品無乜分別，當然買電器我會睇清楚是否跟香港電壓相同。其實除咗平之外，淘寶嘅電器嘅尺寸同埋種類真係畀香港多好多。香港地方細，尺寸有限制，要買到啱尺寸放在屋企，一啲都唔容易。淘寶網好處就係種類多，呎吋選擇多。」

星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ