大角嘴殺嬰案｜男疑犯曾有虐兒前科 母曾稱：可以唔要我哋但唔好虐待

大角嘴博文街一單位昨日（13日）凌晨揭發懷疑殺嬰案，一名僅3個月大男嬰（鄭雨軒）疑遭虐待，昏迷送院後證實不治，警方其後拘捕一對寄養夫婦涉嫌謀殺。據悉男疑犯曾有虐兒前科，女疑犯曾在社交平台訴說，「你可以唔要我哋，但唔該唔好虐待」。

涉嫌「謀殺」被捕夫婦分別是一名35歲姓葉男子及一名24歲姓林女子，葉男2011年曾於一間大型化妝品公司工作，現時從事物流業；至於林女曾任電視台臨時演員，因而認識軒仔母親，並與前度有一名兒子，三人居住博文街21號富貴大廈西座一個150呎單位。

林女在社交平台經常分享與丈夫甜蜜的合照，例如一起到大棠有機生態園拍拖等，她一度相信自己遇到真愛，直言「找到對的人就該停下來了，為咗你我要好好生活，我不會再自殘，只想回到當初重新開始」。

林女一度相信自己遇到真愛。FB圖片

去年10月，兩人的骨肉出世，林女公開感謝丈夫的照顧，「話咁快細仔出咗世十日啦，老公好錫我同仔仔，好照顧我同仔仔，我知道我好依賴你但你都無嫌棄我，老公我愛你，有你愛惜我哋我同仔仔都好幸福」。

去年10月，兩人的骨肉出世。FB圖片

豈料好景不常，林女在今年2月5日指控小朋友遭丈夫虐待，「唔係每件錯事講句對唔住就有用，兩個仔都係我身上掉下嘅一塊肉，你可以唔要我哋，但唔該唔好虐待，我哋都係人自然會有人憐愛」，葉男隨即留言道歉，「我知錯咗同已經好後悔，我只係想你畀多次機會我，可以好好地去愛你、保護你、疼錫同珍惜你哋3個，我唔會再好似之前咁對你哋3個」。

林女發文指控小朋友遭葉男虐待。FB圖片

可惜兩人感情從此變淡，林女在今年4月訴說，「曾經我真係好愛惜你，為左你嘅身體，煲再多嘅湯，你都唔去珍惜，我同你始終係兩個世界嘅人」，直言「你繼續鬧我，我會愈嚟愈成熟，你繼續應承完唔做，我會愈嚟愈堅強」。

林女在今年4月訴說與丈夫感情變淡。FB圖片

直至事發前一晚，兩夫婦大吵一架，其後林女發文狠斥丈夫，「唔該以後唔好指意我煮飯，1個湊2個落住大雨好X好玩？定1個湊4個煮3餸1湯好好玩？你無權批評我啲朋友，至小人哋唔會玩X我」。林女其後與補充指，葉男邀請朋友回家吃飯，林女冒大雨買餸，做了一頓豐富晚餐，惟該朋友最終爽約，兩人因此大吵一架。

事發前一晚，兩夫婦大吵一架。FB圖片

至昨晚（13日）凌晨1時54分，葉男報案，指軒仔在單位內昏迷，救護員將男嬰送廣華醫院搶救，延至凌晨3時08分證實不治。經法醫檢驗後，發現軒仔右額角有瘀傷，左前臂、左小腿、右大腿及右腳背亦有灼傷痕迹，認為傷勢有可疑，遂以涉嫌「謀殺」將兩人拘捕。

軒仔屍身滿布傷痕。資料圖片

被捕男子。資料圖片

被捕女子。資料圖片

星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ