張致恒縱容兒子亂丟玩具老婆雯雯嬲爆：我自問冇咁多錢

2022-08-07 15:45

張致恒（Steven）老婆區燕雯（雯雯）不時於IG分享生活，家中大小事都不介意與外界分享。早前迎來第三個兒子，外界都擔心以他們的收入，要養3個小朋友可能會好困難，不過Steven兩公婆就曾公開回應：「窮唔代表冇資格生仔，窮有窮養。」但愛分享生活的雯雯，就不時於IG暗示生活艱難，曾自爆被逼遷，又自責未能帶小朋友去主題樂園玩。

張致恒一家早前迎來第3個兒子。

張致恒夫婦不時呻窮，被網民力勸不要再生小朋友。

昨日（6日）雯雯又於IG限時動態大呻與老公教仔方式有分歧，講到最後又呻一句：「我自問冇咁多錢。」看來家庭生活因「錢」而增加了夫妻間的拗撬。而今次雯雯嬲爆原因是老公縱容啲仔亂丟玩具，更請大家不要再買禮物畀3個仔，「個仔撕爛晒啲書，一個幾百蚊嘅玩具周圍掉。當我話要睇實佢哋先好畀佢哋玩，佢哋爸爸只會話小朋友係咁，所有嘢身外物咪買過囉！我真係唔識教小朋友，我自問亦冇咁多錢，所以每一件玩具我都會好錫住。」有網民認為她不應該將責任完全推到老公身上，覺得她作為媽媽亦有責任教好小朋友，又有網民苦口婆心勸他們不要再生小朋友。