MIRROR演唱會丨梁思浩質疑「賺住做」仍意外頻生 開名阿花應引咎辭職

2022-08-05 19:00
梁思浩質疑「賺住做」仍意外頻生,開名「阿花」應引咎辭職。
梁思浩質疑「賺住做」仍意外頻生,開名「阿花」應引咎辭職。

MIRROR 紅館演唱會上月28日發生墜屏事故,MIRROR經理人黃慧君(花姐)日前協助警方調查,直至今日(5日)首度發文,強調「MIRROR和我一定會撐住」展示上下齊心。

意外後,有不少聲音覺得MakerVille的CEO魯庭暉和花姐應要引咎辭職,但亦有網民反指「關花姐咩事」?不過,日前梁思浩在其主持的網台節目《大家「真」瘋騷》上,就認為花姐責任最大,激動地說:「有一個人我覺得成件事係難辭其咎㗎,嗰個就係阿花!」

節目除了梁思浩外,還有李思蓓和Mandy兩位主持,他們談論MIRROR演唱會發生的慘劇,梁思浩指事發後好多人為「搵食」不敢發聲,而他則點名稱讚王貽興、「阿姐」汪明荃和郭富城敢於表達意見,讚他們像英雄一樣。而曾做過演唱會監製的梁思浩自覺有權發言,覺得演唱會門票一早售罄,代表是「賺住做」,質疑主辦單位:「賺住做你仲喺度慳。」

 

梁思浩外、李思蓓和Mandy一齊主持網台節目《大家「真」瘋騷》。
梁思浩外、李思蓓和Mandy一齊主持網台節目《大家「真」瘋騷》。

 

梁思浩提到演唱會事故好激動,覺得阿花應引咎辭職 。
梁思浩提到演唱會事故好激動,覺得阿花應引咎辭職 。

 

一直有傳演唱會未有充足的時間做綵排,而最後一日更是在排舞室進行,李思蓓指在TVB做台慶或《歡樂滿東華》都會做rehearsal,認得事件不合理;梁思浩直指監製和經理人都應該要站出來承擔:「如果你要做一個監製,你要做一個經理人,你哋搵緊錢㗎嘛,你哋點解唔肯有膊頭企出嚟,你要班細路仔去面對呢?嗰12個細路仔好慘喎,去面對。」

梁思浩之後愈講愈激動說︰「我夠膽講一樣嘢,我都係俾人哋轟㗎喇,我一噏個名就俾人哋轟㗎喇,但係我唔怕嘅,我從來覺得係有嗰句講嗰句,你係一個監製,甚至你係一個經理人,如果你rehearsal睇到有危險,你需唔需要保護你啲藝人先?」他又指12子是幫手搵錢,之後開名說:「所以我話畀你聽有一個人,我覺得成件事係難辭其咎㗎,嗰個就係阿花啦!阿花,老老實實啦阿花,如果你係呢12個細路仔嘅經理人,你有睇rehearsal㗎嘛!你有去睇㗎!如果你話俾我聽你冇睇,仲衰!」

唔好物化12子成生財工具

李思蓓還提到早前姜濤曾在活動上暈倒,質疑12子工作量大,能夠去綵排的時間有數得計,尤其特別紅幾位。而梁思浩就關心12子辛苦幾年,究竟有幾多錢落袋?再度提出經理人的職責是要預先把關,他說:「當時你係一個經理人,又或者係監製,你覺得有危險,係咪要出聲先?因為所有幕後嘅人已經開始講,其實rehearsal已經有危險,rehearsal有危險,你唔係新人嚟嘛,你做得監製,你錢就袋落袋,責任唔使你孭啊?呢個世界冇咁唔使找錢嘅午餐㗎!」李思蓓亦希望外界勿將12子「物化」,他說:「大家知道,呢12個小朋友係可以幫公司賺好多錢,但係你哋麻煩都要認清楚,佢哋都係人嚟,唔好物化佢成為一個生財工具,呢啲小朋友係人嚟。」
 

花姐係MIRROR嘅經理人,一向視如親生仔。
花姐係MIRROR嘅經理人,一向視如親生仔。

 

意外前一晚,花姐坐陣演唱會控制台。
意外前一晚,花姐坐陣演唱會控制台。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章